林海峰明年送大女留學

【蘋果日報】林海峰與賽車手歐陽若曦前晚在啟德郵輪碼頭出席汽車活動，有指林海峰大女林泳已到外國升學，林海峰說：「寫嗰個人早咗一年，實際仲喺屋企，早咗一年就唔存在喺生活裏面啦。出國係啱，時間錯，一半錯一半啱。」但他不肯透露女兒到哪處升學。此外，他日前在電台開咪談論袁偉豪入戲院睇戲掀罵戰的「粟米片先生」，林海峰說：「我每日開咪都好多嘢要講，但我對嗰啲話題其實冇乜興趣。」