【馮仁昭四圍超】五月天騷舞台益歌迷

【蘋果日報】台灣天團五月天距離開騷日子仲有3日，位於香港迪士尼幻想道露天場地（圖）嘅舞台，完成八成搭建，目測約有80個工作人員開工，演出舞台兩側有兩條樓梯可以行去觀眾席，可能到時用來同歌迷握手。
另外，現場外有好多流動廁所圍住，但廁所之間有太多罅位，如果到時唔加封外牆，基本上可以喺外圍睇騷。至於喺港鐵迪士尼站，就仲未貼出指示牌，提示觀眾點樣由迪士尼站行去會場。
撰文：馮仁昭