趁假期兼好天氣李嘉欣返石澳別墅嘆世界

【蘋果日報】昨日假期，天朗氣清，最適宜郊遊，如果自己有間望海嘅別墅，就更加係無敵啦！不過唔係普通人可以享有。大美人李嘉欣就唔同喇！嘉欣昨日在instagram貼相，hang tag「#labourday#thankful#whereigotmarried#perfectday」，喺一個綠草如茵嘅大花園，背景係一大片海，加埋藍天白雲，同狗狗一齊同陽光玩遊戲，真係羨慕死人。
嘉欣畀晒提示#whereigotmarried，嘉欣同老公許晉亨2008年結婚時，就係喺老爺許世勳當時名下嘅石澳別墅舉行億元婚禮。昨日勞動假，囝囝Jayden唔使返學，一家人去別墅玩吓休息吓，都咪話唔疏干。
相中見着住淺藍色裙，戴白色帽嘅嘉欣，踎低摸緊愛犬個頭，襯托埋咁好嘅天氣，好有夏天feel。唔知張相係老公定囝囝操刀影呢。