太窮太奄尖冇戀情

【蘋果日報】唐文龍過往戀情除了已嫁人的陳少霞，還有相戀7年的空姐、他和劉永健的hehe戀，以及被爆當年拍劇集《十月初五的月光》曾力追佘詩曼。不過，現年48歲的他，縱使高大靚仔，但仍然單身，他則自爆有三大「死因」，除了是他太奄尖，事業心重，還有一點是他窮。
唐文龍興嘆：「我唔係enjoy一個人，係習慣一個人。唔排除有好緣份，但唔會刻意追求。」提到唐文龍傳跟劉永健有hehe情，又傳與黃文意搞父女戀，他即扁嘴說：「都怪自己奄尖啦，以前喺內地有個女朋友，但成日兩邊跑，自己喺內地建立咗工作基礎，但香港又想有，唔容易認識一個人配合到我，又要符合我奄尖嘅條件，咁不如清清地先。」笑問他寧願傳他hehe，還是父女戀？唐文龍無奈說：「冇得寧唔寧願，唔想對文意咁，唔想欺負佢。」他還強調跟黃文意從未拍拖，是正常朋友。
講到試過銀行戶口只有四位數，唐文龍說：「窮都要有骨氣，因為自尊心好強，同女仔出街我一定要畀錢。如果我識一個好有錢嘅，都要跟我去食茶餐廳，唔係強迫人配合我，但同樣唔係要黐佢，我唔係咁嘅人。」
採訪：嵐山