新聞類別
娛樂
詳情#
【蘋果日報】台灣藝人、曾奪金馬影帝嘅孫越（原名孫鉞）前日喺台灣病逝，享年87歲。佢為港人熟悉嘅係同新藝城合作，其中一部係林嶺東導演嘅《龍虎風雲》，戲入面佢飾演周潤發嘅上司劉督察。但最感人嘅自然係佢套《搭錯車》，當年入場嘅觀眾都喊住離場，孫越演嘅啞叔一絕，亦令佢83年第一次贏得金馬影帝，戲中主題曲《酒干倘賣無》仲唱紅咗蘇芮，而之前70年時曾憑《揚子江風雲》奪金馬獎配角，2010時獲得金馬特別貢獻獎。
3月入院
孫越07年罹患早期肺癌，引發慢性阻塞性肺病（COPD），今年3月因為膽管結石發炎入住台大醫院，之後出現過肺阻塞而要入住加護病房，雖然病情一度好轉，但噚日好友張小燕喺facebook宣佈佢離世消息。孫越嘅孫女力薇以「謝謝關心。」回應。當年簽佢拍新藝城戲嘅黃百鳴噚日以短訊回應話：「當然唔開心，佢憑《搭錯車》攞影帝。當年新藝城拍好多喜劇，我想拍套悲劇，所以寫咗《搭錯車》劇本，兩個拍檔麥嘉、石天覺得香港唔合適拍，咁啱台灣有導演想拍套喜劇叫《搭錯車》，故事好胡鬧，真係講班人喺台北搭錯車去高雄，我ban咗佢劇本，叫佢拍我呢個版本。」黃百鳴話孫越一直都演喜劇或者反派，當時係一個新嘗試，亦成功咗：「孫越為人好和善好客氣，好好人客易相處。佢嚟香港拍過發哥、林嶺東嘅《龍虎風雲》。」佢話幾年前去過台北同《搭》片女主角劉瑞琪、導演、孫越一齊食飯，當時孫越身體仲好好。
撰文：馮仁昭
3月入院
孫越07年罹患早期肺癌，引發慢性阻塞性肺病（COPD），今年3月因為膽管結石發炎入住台大醫院，之後出現過肺阻塞而要入住加護病房，雖然病情一度好轉，但噚日好友張小燕喺facebook宣佈佢離世消息。孫越嘅孫女力薇以「謝謝關心。」回應。當年簽佢拍新藝城戲嘅黃百鳴噚日以短訊回應話：「當然唔開心，佢憑《搭錯車》攞影帝。當年新藝城拍好多喜劇，我想拍套悲劇，所以寫咗《搭錯車》劇本，兩個拍檔麥嘉、石天覺得香港唔合適拍，咁啱台灣有導演想拍套喜劇叫《搭錯車》，故事好胡鬧，真係講班人喺台北搭錯車去高雄，我ban咗佢劇本，叫佢拍我呢個版本。」黃百鳴話孫越一直都演喜劇或者反派，當時係一個新嘗試，亦成功咗：「孫越為人好和善好客氣，好好人客易相處。佢嚟香港拍過發哥、林嶺東嘅《龍虎風雲》。」佢話幾年前去過台北同《搭》片女主角劉瑞琪、導演、孫越一齊食飯，當時孫越身體仲好好。
撰文：馮仁昭
回應 (0)
