往輕鐵站約5分鐘步程

【蘋果日報】新地（016）屯門御半山位於景秀里8號，屬於屯門景峰區，由輕鐵兆康站起程，第2個站就是景峰站。沿景峰徑，行到盡頭，經過5個屋苑，包括景峰花園、怡樂花園、偉景花園、景峰豪庭，約5分鐘步程就抵達御半山。另外途中有小徑上山是另一個屋苑房協景新臺。
附近住戶：唔會諗
現場所見，樓盤毗鄰屯門濾水廠，幾個屋苑圍繞的景峰商場提供食肆、便利店、士多、中西醫、藥房、洗衣店、美容、髮型及水電工程等店舖。有小巴線往來屯門市中心，恒常巴士線可前往旺角、荃灣、葵芳、上水，另有特別班次往藍田或灣仔。
附近屋苑彩暉花園住戶陳太實地睇御半山，「睇下值唔值得買，我睇完我唔會諗，地盤細呀！我都係附近住，八卦下囉，值嘅咪買畀啲仔女。抵就會諗囉，但現時唔會諗。」講到生活配套，她表示：「以前有個井財街街市，但現時起咗樓，配套唔係好完善㗎咋，要行返出去出面，但總比以前好。買餸唔去超級市場，就要去新墟買，行路要15分鐘㗎。買得少就可以超市，買得多、買海鮮咪買唔到。交通有少少成熟，但初初住呢度，唔得㗎！」
附近業主劉太指校網都唔差，呢間（聖公會蒙恩小學）就最多人揀。文娛康樂設施冇乜，但住就好，空氣好，環境靜，治安又唔差，夜晚十一、二點返來，靜得來都安全。」