林雅詩難戒甜長6磅肉

【蘋果日報】林雅詩、邵音音、顏子菲跟陳綺雯等前晚在圓方出席電影《抱抱我的初戀》首映，露腰現身的林雅詩明顯長肉，她笑說：「最近忙緊自導自演嘅《百變神探》，可能壓力大食多咗嘢。我又鍾意食甜嘢，日日飲4、5罐汽水，我諗都肥咗5、6磅。」要食又怕肥的林雅詩說：「都驚再肥，最致命都係甜嘢，真係要減。」她表示尚有趙頌茹的戲份未拍，片中涉及不少特技。
同場的陳綺雯去年影過濕身相，今年會以泳裝同水底相放上網派福利，她說：「寫真太商業又唔想，又太多女仔出，我年紀唔細，唔想同啲妹妹爭。」
採訪：盧妹
攝影：林賓尼