張繼聰細佬代警「溫柔」提示

【蘋果日報】五月天昨晚開騷，天團威力加上香港迪士尼首次舉行如此大型演唱會，因此香港警察都好緊張，前日已經在香港警察Hong Kong Police的Facebook，拍片溫馨提示一班「五迷」要注意的事項，而負責此重任的主角，就是駐守警察公共關係科（PPRB）警員張繼安，亦即是張繼聰胞弟。
阿安在片中大玩五月天的歌名：「『五月天』氣熱喇，『突然好想你』哋知道，警方『溫柔』提示市民，喺嚟緊5月4號到13號，有關於港鐵迪士尼站附近所舉行演唱會嘅特別交通安排。」阿安最後繼續玩食字說：「最後，無論係早來的我們，定係『後來的我們』，記得出發前，先瀏覽以下嘅網址。」今次警方出這個facebook貼文的確別出心裁，值得一讚！
撰文：李察