楊采妮任由孖B爭玩具

【蘋果日報】梁詠琪老公Sergio引入西班牙童裝品牌Nanos來港，昨日在尖沙嘴海港城開設限定店，好友楊采妮（Charlie）義務到場宣傳。
Charlie一對孖仔現時14個月大，她說：「做孖先天有伴好幸福，即使我唔理佢哋，佢哋自己講完BB話，你咬我，我咬你，都會笑得好開心，佢哋有時會爭玩具，總之冇流血事件我都唔會干預。」她有感兩子性格開始不同：「哥哥比較定、有觀察力，好有跳舞天份，一聽音樂就隨節奏擺動，細佬就好開心好鍾意食，佢哋都好擦得，我依家忙於鑽研baby food。」Charlie狀態不俗，但暫未正式復出開戲，但老公支持她間中工作，紓緩湊仔緊張情緒。
採訪：卓寶花
攝影：陳俊強