肥咗定有咗？景甜凸肚照瘋傳

【蘋果日報】大陸女星景甜個半月前同奧運3金得主、30歲中國乒乓球手張繼科喺微博公開戀情，當時張繼科貼出兩人喺沙灘漫步嘅拖手照。
到咗前日，喺微博就有張景甜肚凸凸嘅疑似大肚照瘋傳，網民話張相係最新圖片，見景甜着住白Tee，黑色牛仔短裙，笑笑口心情似乎唔錯，身後有一班工作人員跟住，網民甚至話目測到肚凸凸嘅弧度好似有咗，所以留言都係話：「這肯定是有孕了」、「有喜了吧？先送恭喜」、「進度這麼快」。
29歲嘅景甜，自從拍咗《金剛：骷髏島》、《悍戰太平洋2：起義時空》、《長城》之後，多咗人關注，咁啱景甜就喺前晚喺微博貼相，公開自己嘅最新體重，個磅顯示50.8kg，景甜突然增磅，加上凸肚照，唔通真係「搞出人命」？