撒嬌女李天縱嫁內地離婚導演

【蘋果日報】曾經喺劇集《不懂撒嬌的女人》晒玉背同林文龍演對手戲嘅李天縱（Lean），原來唔聲唔聲同32歲內地導演唐寅上個月已經入紙喺香港排期結婚，男方就離過婚。
31歲嘅前港姐Lena，畢業於北京電影學院表演系，2011年選港姐而入行，落選後做咗5年娛樂新聞台嘅國語主播，前年先開始拍劇。拍過《巨輪II》、《幕後玩家》、《天命》等，喺《不懂撒嬌的女人》入面，裸住背同林文龍剃胸毛一幕，令人眼前一亮，前年佢喺台慶着低胸露腰裝表演肚皮舞，引起網民熱烈討論。而就嚟出街嘅新劇《飛虎之潛行極戰》佢都有份演出。
有舞蹈底子嘅佢，早排獎勵自己同屋企人去咗越南旅行，有驕人身材嘅Lena，喺佢微博上載咗唔少噴血泳衣照，仲大擺S形騷身材，露出半邊美股添。