新聞類別
娛樂
詳情#
【蘋果日報】擅演小人物角色、人稱「米奇」嘅資深演員吳振東，大前日凌晨4點離世，米奇生前演出過《A計劃續集》、《紅燈區》等電影，當中於《新精武門1991》中飾演去霍家踢館嘅日本人，令人印象深刻。同米奇係好友嘅「香港動作特技演員公會」成員張永漢，噚日受訪時證實米奇死訊，透露佢晚年冇人照顧，一直由演藝人協會幫忙籌錢租住老人院舍。
心臟有事
張永漢話：「我上星期探過佢，佢一直有腦退化，同心臟有啲事，最近入院話有啲哮喘同咳嗽，禮拜去咗廣華醫院後就離開咗。」張永漢續話：「米奇住咗老人院三個月，之前佢前妻話照顧唔到。」仲話暫時未知後事點搞，等演藝人協會同佢前妻商量。
至於同米奇喺90年代已經認識嘅姜皓文就話：「我上月左右去探過佢，精神都OK，只係對答有啲唔係咁清晰，之後我一路都忙冇再去探。聽老人院姑娘講佢情況唔係咁好，成日要出入醫院。」姜又話：「佢係好開心、樂觀同照顧朋友嘅一個人，一個好好嘅前輩朋友。」
撰文：馮仁昭
心臟有事
張永漢話：「我上星期探過佢，佢一直有腦退化，同心臟有啲事，最近入院話有啲哮喘同咳嗽，禮拜去咗廣華醫院後就離開咗。」張永漢續話：「米奇住咗老人院三個月，之前佢前妻話照顧唔到。」仲話暫時未知後事點搞，等演藝人協會同佢前妻商量。
至於同米奇喺90年代已經認識嘅姜皓文就話：「我上月左右去探過佢，精神都OK，只係對答有啲唔係咁清晰，之後我一路都忙冇再去探。聽老人院姑娘講佢情況唔係咁好，成日要出入醫院。」姜又話：「佢係好開心、樂觀同照顧朋友嘅一個人，一個好好嘅前輩朋友。」
撰文：馮仁昭
回應 (0)
