江若琳氹掂未來奶奶

【蘋果日報】江若琳將於今年底與「生煎包王子」蕭潤邦（Oscar）結婚，她日前相約未來奶奶慶祝母親節，跟Oscar合力煮麵、五色水餃及涼拌菜孝敬蕭媽媽。外形年輕的蕭媽媽未吃先心甜，江若琳表示湯麵更特意加花膠未來奶奶滋補，又賣口乖說：「五色水餃好襯Auntie咁繽紛造型。」Oscar也唱雙簧：「媽咪有傳統內心。」
愛屋及烏的江若琳，邀Oscar父母做「白老鼠」，蕭媽媽謂吃過江若琳炮製的雞煲及西多士。江若琳自嘲：「佢哋夠膽試，冇肚屙都好叻。」蕭媽媽評江若琳廚藝有80分，Oscar即緊張問媽咪：「咁嗰20分去咗邊？」
Oscar母子感情如同兩姊弟：「我以前青春期生得高，俾阿媽繞住出街，真係俾人誤會我喺佢小鮮肉男朋友。以前覺得好尷尬、好抗拒，依家大個反而成日搭住膊頭出街，好friend會傾心事。」Oscar坦承反叛期甚曳：「阿媽打到抽筋。」江若琳即幫口：「佢真係抵打，因為佢勁曳，依家都係。」
採訪：陳杰
場地提供：麵館