新聞類別
娛樂
詳情#
【蘋果日報】【Happy Mother's Day】有媽的孩子像個寶！縱使孝順母親不該只在一個節日。然而，每年的母親節，確是一眾孝子孝女向偉大母親表達心意的好日子。不過，如何跟父母或子女共度這溫馨節日，當然各有所好，已當父親的森美、快將成為四女之母的楊張新悅、已為人母的楊愛瑾及將成為人妻的江若琳，以不同方式及身份慶祝母親節。
會考有25分、於中大畢業的森美是圈中的高材生之一，但森美媽咪原來只有小學程度，她希望兒子讀名校，直至森美順利入中大，心事已了的她，跟退休消防員老公齊學社交舞。多年前兩人曾到澳洲參加比賽獲冠軍，去年在英國黑池國際錦標賽則獲第12名，然而，森美兩次錯過了父母獲獎的榮耀，今個母親節，森美應本報邀請欣賞父母跳舞，還跟媽咪學跳社交舞，很溫馨！
母子齊爆喊
森美媽咪日前受訪時說：「佢細個成日唔舒服，同埋佢係好鍾意駁嘴，你會好嬲。」說到兒時趣事，森美媽咪爆森美讀幼稚園上堂傾偈，被老師用膠紙黐嘴。森美說：「嗰時頑皮阿媽用藤條打我，咁我梗係走，鎖自己喺廁所唔畀阿媽打，仲記得自己點駁嘴『你又唔係天主，點解你可以打我？』」回憶中的森美突眼紅紅說：「大個發現細個怨得最多嘅嘢，就係阿媽最偉大嘅事，記得阿媽打完我，有時瘀咗……」森美崩潰爆喊：「阿媽幫我捽藥油，記得阿媽話『我打你，我心痛呀！』」媽咪見兒子哭了，自己亦激動流淚說：「佢係一、二年班最曳，默書唔及格一分打一藤。」
唔畀讀理工
森美媽咪坦言想兒子入名校：「左右隔籬都話我，點解讀幼稚園已經離開屋邨，小學出九龍，我個心態，就驚佢群啲同學仔太犀利，一放學就玩。」當年她一早去聖芳濟各排隊攞報名表，可惜森美面試失敗，最後獲派荃灣天主教小學，返了三日學後，便帶兒子到聖芳濟各跪求校長。森美說：「我仲記得個畫面，媽咪跪喺度同校長講『收我個仔啦！』結果學校都有收我，好多謝校長。」媽咪卻笑說：「我只係記得教員室有個counter，前面有張凳，我就跪喺張凳度話見校長。你仲話『阿媽，你唔好跪啦，唔使跪佢啦，我唔讀呢間學校。』」
之後森美由小五開始發憤讀書，曾就讀聖芳濟各書院、聖士提反書院、喇沙書院等名校，森美媽咪坦言：「中學畢業佢話去理工讀設計，嗰時理工未係大學，我話梗係唔得啦，你要做大學生畀我，我叫做責任完，做父母就係咁。」雖然想兒子做醫生、律師，但森美卻入中大讀新聞與傳播學院，她說：「我冇失望，我個心係你大學畢業就算，最遺憾就係佢行大學畢業禮唔畀我去。」森美大笑：「去乜嘢，畢業禮我都冇去，我諗嘢好怪，唔想畀阿爸阿媽覺得有乜大不了，但佢哋覺得好緊要。」森美媽咪笑謂要等個孫。森美畢業後，有否反對入娛樂圈？森美媽咪說：「冇，係諗做得開唔開心，佢幾錢人工我都冇問㗎，後期，嘩！咁多，做啦。」
採訪：余燕儀
場地提供：DADA Bar+ Lounge of THE LUXE MANOR
會考有25分、於中大畢業的森美是圈中的高材生之一，但森美媽咪原來只有小學程度，她希望兒子讀名校，直至森美順利入中大，心事已了的她，跟退休消防員老公齊學社交舞。多年前兩人曾到澳洲參加比賽獲冠軍，去年在英國黑池國際錦標賽則獲第12名，然而，森美兩次錯過了父母獲獎的榮耀，今個母親節，森美應本報邀請欣賞父母跳舞，還跟媽咪學跳社交舞，很溫馨！
母子齊爆喊
森美媽咪日前受訪時說：「佢細個成日唔舒服，同埋佢係好鍾意駁嘴，你會好嬲。」說到兒時趣事，森美媽咪爆森美讀幼稚園上堂傾偈，被老師用膠紙黐嘴。森美說：「嗰時頑皮阿媽用藤條打我，咁我梗係走，鎖自己喺廁所唔畀阿媽打，仲記得自己點駁嘴『你又唔係天主，點解你可以打我？』」回憶中的森美突眼紅紅說：「大個發現細個怨得最多嘅嘢，就係阿媽最偉大嘅事，記得阿媽打完我，有時瘀咗……」森美崩潰爆喊：「阿媽幫我捽藥油，記得阿媽話『我打你，我心痛呀！』」媽咪見兒子哭了，自己亦激動流淚說：「佢係一、二年班最曳，默書唔及格一分打一藤。」
唔畀讀理工
森美媽咪坦言想兒子入名校：「左右隔籬都話我，點解讀幼稚園已經離開屋邨，小學出九龍，我個心態，就驚佢群啲同學仔太犀利，一放學就玩。」當年她一早去聖芳濟各排隊攞報名表，可惜森美面試失敗，最後獲派荃灣天主教小學，返了三日學後，便帶兒子到聖芳濟各跪求校長。森美說：「我仲記得個畫面，媽咪跪喺度同校長講『收我個仔啦！』結果學校都有收我，好多謝校長。」媽咪卻笑說：「我只係記得教員室有個counter，前面有張凳，我就跪喺張凳度話見校長。你仲話『阿媽，你唔好跪啦，唔使跪佢啦，我唔讀呢間學校。』」
之後森美由小五開始發憤讀書，曾就讀聖芳濟各書院、聖士提反書院、喇沙書院等名校，森美媽咪坦言：「中學畢業佢話去理工讀設計，嗰時理工未係大學，我話梗係唔得啦，你要做大學生畀我，我叫做責任完，做父母就係咁。」雖然想兒子做醫生、律師，但森美卻入中大讀新聞與傳播學院，她說：「我冇失望，我個心係你大學畢業就算，最遺憾就係佢行大學畢業禮唔畀我去。」森美大笑：「去乜嘢，畢業禮我都冇去，我諗嘢好怪，唔想畀阿爸阿媽覺得有乜大不了，但佢哋覺得好緊要。」森美媽咪笑謂要等個孫。森美畢業後，有否反對入娛樂圈？森美媽咪說：「冇，係諗做得開唔開心，佢幾錢人工我都冇問㗎，後期，嘩！咁多，做啦。」
採訪：余燕儀
場地提供：DADA Bar+ Lounge of THE LUXE MANOR
回應 (0)
