新聞類別
娛樂
詳情#
【蘋果日報】吳綺莉同18歲嘅囡囡卓林，近年母女關係起咗變化，早排卓林同30歲嘅外籍女友Andi出走加拿大，流落街頭，卓林仲拍過片尋父，事件引起中外傳媒廣泛報道。噚日母親節，卓林音訊全無，吳綺莉好似有感而發，喺微博貼咗一張舊相話：「反思，要令自己由一個潮州婆，變成一個上海妹，活到老學到老。」之後再轉發經理人艾文嘅貼文，提到「願天下母親接納孩子的不完美，也願所有子女接納母親的不完美。」馮仁昭問吳綺莉點解要反思，佢之後回覆話個微博賬戶係內地經理人管嘅，言下之意好似話唔關佢事。
至於卓林嘅生父成龍就喺安徽出席「成龍─大美中國．古民居復建區─奠基儀式」活動，係自卓林拍片尋父後首次現身，吸引中港台過百傳媒採訪，有人問成龍知唔知卓林搵佢，成龍就以笑用雙手揞住耳仔，唔知係真聽唔到，定扮聽唔到。再問佢係咪買咗私人飛機，佢冇回應，就由十幾位保安陪同上專車離開。
買舊房子修復
活動上，成龍喺台上話：「母親是安徽人，今日是母親節，感覺像帶了媽媽回到老家一樣。」問到點解修復古木，成龍話亡父曾想過返北京住，但當時一間四合院都好貴，修屋老師傅提議佢買舊房子修復，再將五、六幢放埋一齊就變成一間屋。
撰文：馮仁昭
至於卓林嘅生父成龍就喺安徽出席「成龍─大美中國．古民居復建區─奠基儀式」活動，係自卓林拍片尋父後首次現身，吸引中港台過百傳媒採訪，有人問成龍知唔知卓林搵佢，成龍就以笑用雙手揞住耳仔，唔知係真聽唔到，定扮聽唔到。再問佢係咪買咗私人飛機，佢冇回應，就由十幾位保安陪同上專車離開。
買舊房子修復
活動上，成龍喺台上話：「母親是安徽人，今日是母親節，感覺像帶了媽媽回到老家一樣。」問到點解修復古木，成龍話亡父曾想過返北京住，但當時一間四合院都好貴，修屋老師傅提議佢買舊房子修復，再將五、六幢放埋一齊就變成一間屋。
撰文：馮仁昭
回應 (0)
