梁詠琪感動囡囡唱廣東歌

【蘋果日報】梁詠琪（GiGi）老公Sergio代理的西班牙童裝品牌Nanos昨日在尖沙嘴搞活動，夫婦二人以主人家身份現身，更請了黃婉君（Rosanne）一家四口到場支持，Rosanne的兩個囝囝向她送上鮮花及獻吻。問到GiGi為何囡囡Sofia沒有現身，她表示現場人太多，囡囡交由母親及婆婆照顧，活動過後將會合她們。
問到母親節禮物，GiGi表示：「佢用通粉整咗條手鏈畀我，仲唱歌，感動到忍唔住喊。佢好少講中文，但喺學校學唱成首廣東歌，唱『媽媽真偉大、媽媽好努力教我做個好乖乖』，好感動，可能囡囡之前睇過演唱會，個膽壯大咗，唔怕喺人前表演。」另外，Rosanne表示應不會再生B，雖然夫婦愛小朋友，但香港湊小朋好困難。
採訪：黃曉妍
攝影：仇志德