唐山起158米高樓 唔怕地震？

【明報專訊】河北省唐山巿曾經喺1976年發生令人震驚難忘嘅大地震，但過去數十年無乜唔好嘅大事發生，話時話，呢個城巿近年發展突飛猛進；連早年已經喺內地開枝散葉嘅新世界中國（0917），都踏足去唐山，仲加入埋喺當地興建高樓大廈嘅比併行列。

新世界中國商住項目 投資12億

該公司發言人同小琴講，本周日（1月9日），佢哋唐山首個商住混合項目奠基，位於巿中心，總樓面逾22萬平方米，投資約12億元人仔，其中興建一幢高達158米高商廈，兩年後落成，高度同本港嘅尖沙嘴北京道一號的160米高度，只差兩米。

但據了解，呢幢大廈目前係唐山巿近期已經動工嘅多個項目中第2高樓；因為上個月20日，另一個由傳媒機構發展嘅項目動工，亦有一幢樓高160.15米嘅商業大廈，為現時唐山巿發展中最高建築物。比巿內現有最高只有148米嘅「信息大廈」寫字樓仲高出12米。