變性藝人GENKING有意與男友結婚

【蘋果日報】日本變性藝人GENKING日前於東京出席美容用品活動，係佢自變性後首度出席公開活動。
GENKING去年5月開始接受變性手術，7月已更改戶籍由男性變為女性，佢於活動透露經過約一年休息，無論係性別同工作都再重出發再，又指雖然過往曾受到欺凌，但變性後沒有不愉快經驗。
受訪期間談到另一半，GENKING話決定成為真女人後第一時間向男友報告，結婚亦可受到社會認可，GENKING被發現左手無名指戴住戒指，被問到係咪已決定同男友結婚，佢就話：「當然會結婚。但時間就保密。」GENKING又話已於節目提過有男友，唔希望影響對方，所以唔想講咁多關於男友嘅嘢。