【馮仁昭四圍超】舒淇搵鹹酥雞嘆白酒

【蘋果日報】舒淇依家仲放緊假，雖然佢之前為黃渤《一出好戲》做宣傳，但其餘時間都係留喺台灣休息。舒淇之前因為長期拍戲化妝關係，搞到皮膚冇得休息，所以要停一停工作。
雖然舒淇放緊假，但老公馮德倫就好忙，經常喺外國拍戲，老公唔喺身邊嗰陣，佢就經常返台灣住。舒淇前晚約人食飯，就擺相上網兼留言：「鹹酥雞的夜晚！」枱面仲有支白酒，舒淇皮膚唔好，其實就唔應該飲酒啦！
撰文：馮仁昭