爆四哥拍《千王》：叫我彈開

【蘋果日報】周潤發與謝賢於81年無綫劇《千王群英會》中，飾演一對老千師徒，發哥與四哥亦因此結緣，兩人亦師亦友。如今這對師徒平時好少碰面，但前晚發哥63歲生日，81歲的四哥都有賞面出席，兩人話當年，發哥更笑指以前開工，每次四哥出現都執到正，好有型有款，但反觀自己就「牛記笠記」，有次就被四哥以開玩笑式訓話。
發哥在生日會笑說：「四哥你記唔記得，拍《千王群英會》時，我到現場，你望到我着鞋唔着襪，就話『你咁鬼樣點做明星』，叫我彈開！」四哥前晚聽完發哥這樣說，立刻彈開掩嘴大笑說：「我幾時有咁講過呀！你唔好詆毀我喎！」兩師徒你一言，我一語，然後又笑笑口拉住手做運動，發哥表示：「見到四哥來我生日會，特別開心感動。」
採訪：鍾國仁