鄭秀文坐摩天輪悟人生道理

【蘋果日報】鄭秀文（Sammi）最近與家姐、姐夫到日本旅行，昨日她坐完摩天輪後，在Ig連出兩個post抒發感受。Sammi留言：「好鍾意玩摩天輪，不論高矮都OK，想起Eason首歌叫《幸福摩天輪》，其實就好似人生嘅幸福，或者幸福感會有時高有時低。不過當人生處於低迷，人其實仍然能夠感受到幸福，而身邊嘅人給予嘅愛就係幸福感嘅來源，幸福感其實可以好弔詭，佢有時往往存在喺一啲都唔幸福嘅情況。」
Sammi還分享自己二十多歲時的肚痛經歷，當時她媽媽一直將Sammi緊抱在懷內，用溫暖的手按摩搓揉肚子，不斷用愛減輕她的痛楚，結果她在痛苦中產生出極大的幸福感，她更說：「無論你身處哪一個卡廂你身邊就有不同嘅風景，處於最高或最低風景固然截然不同，但處於低卡坐仍有值得去嘗嘅人生風景。」
撰文：唐琛悠