莊端兒酒量淺飲完即嘔

【蘋果日報】莊端兒、黃建東跟何紫綸等藝人昨晚在尖沙嘴出席一酒吧開張活動，莊端兒自言酒量很差，少少已經可以出醜，她笑說：「我唔飲得，好渣，飲少少就嘔，試過一次去酒店出席晚宴，飲咗少少紅酒，去廁所都去唔切，要朋友拎冰桶畀我嘔。有次飲完，(車立)未到地下，我已經嘔咗，好核突。」莊端兒酒量雖淺，但難掩買酒癮，家中儲了很多酒，她說：「去唔同地方時，都會喺免稅店買啲特別版嘅酒招呼朋友，Ann（何紫綸）有時都會去我屋企飲酒。」
另外，黃建東之前拍了一條講母子關係的短片，原本想母親節推出，但因為要做後期製作，所以要延期及寫新歌。被問到會否跟女友瑪姬合唱時，他笑言自己要努力練習。
採訪：張俊銘
攝影：林賓尼