千金小姐為工作拼命何厚鏵女兒：創業日捱16小時

【蘋果日報】今時今日，富二、三代千金小姐為證明自己有實力、有腦袋，紛紛創業或加入家族企業打拼，本報走訪澳門前特首何厚鏵女兒何芓諄、「糖王」郭鶴年女兒郭燕光及恒地（012）主席李兆基外孫女李敬恩，她們的創業營商路雖未算崎嶇，但絕不平坦，說到底，每個人都需要一份成功感去滋養人生。
記者：周家誠　張浚浩
創業初期日做夜做16句鐘，食無定時兼每日飲4杯咖啡至胃潰瘍，澳門前特首何厚鏵千金、手袋品牌Me Char創辦人何芓諄（Charmaine）一講創業可謂感受至深，「創業一定要堅持，啲人話一至兩年就成功係吹（水）㗎箒，喺未見曙光嘅日子，創辦人一定好辛苦！」
「你做過生意創過業就知，大概一年使費係幾多，冇可能短時間成功，自己由零開始一定辛酸。」Charmaine於2010年在美國開檔賣手袋，憑5萬美元（約39萬港元）起家，家人資助了一半，設計銷售一腳踢，全憑年輕有火諗到就做，「當時後生好多，對設計有熱情，鍾意就去做，儍到連Budget Plan都冇。雖然現時都唔老，哈哈！」
創業首四年，瓣瓣都要落手做，又要兼顧美國香港兩邊業務，每日工作16小時，「幫人打工，你只係一個數字，你唔會主動做同事啲嘢，人哋未必會高興，創業就乜都要做。」終於身體出警號，遂將美國業務交由當地拍檔負責。
她不認為手袋生意成功，只是上軌道而已，現美國香港收入各佔一半，年營業額至少6位數字，去年更有逾雙位數增長。她指，設計喜好很主觀，自己實屬幸運，第一次便接獲連鎖店Intermix一張相對大的定單。
港美客路不同　強調要變通
雖然手袋在美國大賣，又有名人揹袋加持，但來港卻水土不服。舉例，不少歐美客均喜歡有質感的豹紋皮，但香港客人卻嫌重，更愛輕身的牛仔布，所以她強調做生意就要變通，「市場唔鍾意，我啲貨賣完一批都要轉，唔係你話自己有幾好，而係市場認唔認同你。」
回顧八年創業，Charmaine表示，「試過唔開心到喊，未試過開心到喊」，最終還是要靠樂觀面對，「唔厚面皮點創業啊？做生意就要跌得低」。