新聞類別
娛樂
詳情#
【蘋果日報】【《蘋果》專訪】趙崇基執導的電影《中英街1號》，以「六七暴動」做背景，由籌備開拍到上映都經歷不少，包括政府以商業元素低為由拒絕資助，也有言論指趙崇基立場模糊，有意借電影「漂白」當年左派人士的暴行。趙崇基日前與演員游學修、廖子妤及盧鎮業（小野）在旺角接受專訪，趙崇基表示拍攝時從人物出發：「佢哋做嘅決定可能好熱血，但事實上係受到好多嘢影響，例如廖子妤嘅角色會問阿修『點解你會覺得毛主席比你爸爸媽媽更重要？』其實戲入面已經有好多唔同嘅面相呈現出嚟。」
「上唔到先係英雄」
趙崇基覺得一套電影不必持平，毋須刻意為某立場去拍：「我係拍電影，唔係宣傳片，尤其依家香港可能有一百個立場去對待『六七』，如果為咁多立場係唔會拍得好。」電影爭議對白令人覺得政治不正確，趙崇基反駁：「有一個例子就係2019年嘅游學修返到屋企，佢爸爸張同祖好嬲用衣架打佢，打完後同佢講嗰句對白，我諗咗好耐唔知點講，想寫呢個老竇其實係支持，淨係唔想佢逃避，於是就講咗句『你信嘅嘢就唔好去避』。」但處理方法卻惹來批評，趙崇基說：「有人話點解我唔喺對白內講埋民主兩個字，原來政治正唔正確就係一定要畫公仔畫出腸。」
電影中沒有既定立場，但拍攝和上映過程卻遇到不少困難，可覺業界太多自我審查？趙崇基說：「依家香港對我嚟講係幾荒謬，由當初搵資金搵演員已經遇到好多莫名其妙嘅審查，政府用一個荒謬嘅理由唔批資金，後來又話老闆係用染紅嘅資金投資。到上映到又有人話你有錢賣廣告，仲唔係背後有支持？咁係咪要套戲上唔到我哋先至係英雄呢？」
睇番《消失的檔案》
游學修感謝有看過該片的觀眾：「曾經有人問我拍呢套戲算唔算係一個表態，實在太黐線太離譜，呢套只係電影，你想睇就睇，就係咁簡單。」戲中內容提到「六七暴動」，游學修說：「演67年嘅準備工夫要多好多，首先需要搵番好多書嚟睇，同期亦都可以睇番《消失的檔案》，等我可以充份了解當時嘅背景。」來自馬來西亞的廖子妤則說：「要深入了解香港當時嘅歷史，都要去圖書館翻睇資料。」對於電影惹來不少批評，游學修說：「作為演員其實抱住學習嘅心情去面對，一邊保持獨立思考，另一邊睇吓啲評論究竟點講。」
採訪：曹家誠
攝影：仇志德
「上唔到先係英雄」
趙崇基覺得一套電影不必持平，毋須刻意為某立場去拍：「我係拍電影，唔係宣傳片，尤其依家香港可能有一百個立場去對待『六七』，如果為咁多立場係唔會拍得好。」電影爭議對白令人覺得政治不正確，趙崇基反駁：「有一個例子就係2019年嘅游學修返到屋企，佢爸爸張同祖好嬲用衣架打佢，打完後同佢講嗰句對白，我諗咗好耐唔知點講，想寫呢個老竇其實係支持，淨係唔想佢逃避，於是就講咗句『你信嘅嘢就唔好去避』。」但處理方法卻惹來批評，趙崇基說：「有人話點解我唔喺對白內講埋民主兩個字，原來政治正唔正確就係一定要畫公仔畫出腸。」
電影中沒有既定立場，但拍攝和上映過程卻遇到不少困難，可覺業界太多自我審查？趙崇基說：「依家香港對我嚟講係幾荒謬，由當初搵資金搵演員已經遇到好多莫名其妙嘅審查，政府用一個荒謬嘅理由唔批資金，後來又話老闆係用染紅嘅資金投資。到上映到又有人話你有錢賣廣告，仲唔係背後有支持？咁係咪要套戲上唔到我哋先至係英雄呢？」
睇番《消失的檔案》
游學修感謝有看過該片的觀眾：「曾經有人問我拍呢套戲算唔算係一個表態，實在太黐線太離譜，呢套只係電影，你想睇就睇，就係咁簡單。」戲中內容提到「六七暴動」，游學修說：「演67年嘅準備工夫要多好多，首先需要搵番好多書嚟睇，同期亦都可以睇番《消失的檔案》，等我可以充份了解當時嘅背景。」來自馬來西亞的廖子妤則說：「要深入了解香港當時嘅歷史，都要去圖書館翻睇資料。」對於電影惹來不少批評，游學修說：「作為演員其實抱住學習嘅心情去面對，一邊保持獨立思考，另一邊睇吓啲評論究竟點講。」
採訪：曹家誠
攝影：仇志德
回應 (0)
