難忘低潮時 獻計發展商賣樓

【明報專訊】去年「撮合」三宗涉及約37億元矚目大額成交的曾煥平表示，親自為中建許世勳家族拍賣售出的山頂白加道35號項目，創出天價成交自然難忘，但在近30年代理生涯中，最難忘仍是為發展商於樓市低潮時度橋賣樓。

SARS後重推怡心園 速售逾千伙

他表示，當2003年樓市最低潮時，曾獲房協委託出售將軍澳怡心園，而當時要戴口罩賣樓，首日銷售成績欠理想，更要硬碰南豐促銷的將軍澳廣場。「我向房協提議，倒不如暫時封盤，待稍後市况回穩後再賣，結果喺2004年怡心園重推時，短時間內已售出逾千伙。」

曾氏2002年時獲太古委託銷售中半山雅賓利大廈，當時有基金出價19億元。「我就提出，若將整個項目拆售可做到24億元，最終太古無賣到畀基金，到2005年拆售時套現達27億至28億元。」

「如果有行家話自己係富豪嘅御用經紀，我就可以講自己係發展商嘅御用經紀，新地（0016）、太古（0019）多個樓盤，我都有份參與市場策劃，以往亦有幫房協賣過樓，當然我同富豪關係亦都密切，唔係點將中建企業許世勳家族持有嘅山頂白加道35號推出拍賣？」