《後生仔》林正峰疑似爆粗

【蘋果日報】麥明詩與馮盈盈經常在主持的J2台節目《後生仔傾吓偈》談性論愛，日前播出的一集題目講到做男仔好，麥明詩先講不用受經痛，馮盈盈就表示：「唔使大肚，唔使有橙皮紋，唔使陰道鬆弛。」接着馮盈盈就講到男人最痛的問題：「俾人打到嗰粒蛋蛋係咪好痛？」同場的KOL林正峰即時搶答，更興奮疑似爆粗：「好X勁肥，嗰陣時，佢咁大隻嘅，一嚟喺禮堂，（我哋）有少少拗撬，佢一嘢咁抽落嚟……」


林正峰昨日回覆傳媒：「我哋都聽到嗰句係『嗰個人好肥』，好清楚知道做節目嘅守則，無論節目話題幾爆，都一定唔會講粗口。我本身係註冊社工，對自己都有要求，知道要樹立榜樣。」


採訪：嵐山