新聞類別
娛樂
詳情#
【蘋果日報】羅敏莊與陳國邦所生的5歲囡囡陳禛活潑可愛、有表演慾，小小年紀已曾踏紅館台板，二人希望囡囡童年做個輕鬆快樂小朋友，於是安排她接受國際學校教育，建立親密的親子關係。日前兩母女接受本報專訪時更彈琴唱歌，笑對開學。
撰文：卓寶花
攝影：仇志德
陳禛現在就讀英基國際學校，上月中已經開學，她今年入讀第二年、等於本地小一課程。不少傳統學校的家長開學前都要為子女奔波，羅敏莊就沒有這煩惱，因為她一直支持小朋友自由教學發展，她說：「自己都經歷過童年，覺得童年開心與否好重要，會影響日後成長。」
拒絕塞填鴨
回想當初，羅敏莊為女兒選讀國際學校就是不想孩子承受太大壓力，更關鍵是母女關係，她說：「成日聽人講傳統學校功課量好大，我哋以前細個冇依家咁多功課，成日見到啲媽咪要陪個小朋友做功課做到好夜，又太多功課，有時小朋友都唔想做咁多，但媽咪癲咗咁教佢做逼佢做。我好怕呢個情況出現，一來我懶，唔想做功課，唔想逼佢令到我哋關係好差，覺得呢段時間可以玩吓，好多嘢唔係要塞填鴨咁塞入去學。」
羅敏莊透露有時陳禛會反過來教她在學校學到的知識，她說：「例如一啲通識，月亮幾時月圓，幾時唔係全月，呢啲都幾好，阿女又會同我講要用少啲膠袋。」在旁的陳禛即解釋：「啲膠掉落海，啲魚會拎嚟食，然後會死。」
羅敏莊認為國際學校教育方式令家長比較輕鬆，小朋友能夠學習，她舉例：「阿女5歲幾已經識英文拼音，佢會睇書放膽讀出嚟，因為老師教佢哋無論啱或錯都讀出嚟，如果錯冇問題，會糾正你，但一定要放膽啲，畀信心自己，呢啲係我哋小朋友應該學，但又缺乏咗。細個睇到英文係死背，例如cat點解會係cat，老師又冇講點解，只叫你背識同默出嚟，但依家佢哋會學拼音，覺得呢種方式好過我哋以前嗰種教學。」
希望周身刀
陳禛返學時間是全日制，返早上8時，放下午3時，與一般學校無異，不過由於功課比傳統學校輕鬆得多，校內亦有足夠興趣班，所以她稍後會學游泳及體操，希望自由教學都可以周身刀。羅敏莊不擔心因為讀國際學校而忽略中文，她表示：「我哋講廣東話，講冇問題，寫就要教，學校有中文堂，但就教普通話、寫繁體字，呢方面我要落多啲心機教中文，我中文OK，所以唔怕，反而英文我未必教到佢。」
除了返學，作為媽媽的羅敏莊都會身教，陳禛彈琴和唱歌都充滿媽媽的影子，而羅敏莊亦特地為囡囡學習更多：「以前我哋邊有咁多呢啲嘢玩，依家佢哋睇完學完啲歌曲教番媽咪都幾好，我有時迫不得己都要學。」
場地提供：柏斯琴行（黃埔旗艦店）
撰文：卓寶花
攝影：仇志德
陳禛現在就讀英基國際學校，上月中已經開學，她今年入讀第二年、等於本地小一課程。不少傳統學校的家長開學前都要為子女奔波，羅敏莊就沒有這煩惱，因為她一直支持小朋友自由教學發展，她說：「自己都經歷過童年，覺得童年開心與否好重要，會影響日後成長。」
拒絕塞填鴨
回想當初，羅敏莊為女兒選讀國際學校就是不想孩子承受太大壓力，更關鍵是母女關係，她說：「成日聽人講傳統學校功課量好大，我哋以前細個冇依家咁多功課，成日見到啲媽咪要陪個小朋友做功課做到好夜，又太多功課，有時小朋友都唔想做咁多，但媽咪癲咗咁教佢做逼佢做。我好怕呢個情況出現，一來我懶，唔想做功課，唔想逼佢令到我哋關係好差，覺得呢段時間可以玩吓，好多嘢唔係要塞填鴨咁塞入去學。」
羅敏莊透露有時陳禛會反過來教她在學校學到的知識，她說：「例如一啲通識，月亮幾時月圓，幾時唔係全月，呢啲都幾好，阿女又會同我講要用少啲膠袋。」在旁的陳禛即解釋：「啲膠掉落海，啲魚會拎嚟食，然後會死。」
羅敏莊認為國際學校教育方式令家長比較輕鬆，小朋友能夠學習，她舉例：「阿女5歲幾已經識英文拼音，佢會睇書放膽讀出嚟，因為老師教佢哋無論啱或錯都讀出嚟，如果錯冇問題，會糾正你，但一定要放膽啲，畀信心自己，呢啲係我哋小朋友應該學，但又缺乏咗。細個睇到英文係死背，例如cat點解會係cat，老師又冇講點解，只叫你背識同默出嚟，但依家佢哋會學拼音，覺得呢種方式好過我哋以前嗰種教學。」
希望周身刀
陳禛返學時間是全日制，返早上8時，放下午3時，與一般學校無異，不過由於功課比傳統學校輕鬆得多，校內亦有足夠興趣班，所以她稍後會學游泳及體操，希望自由教學都可以周身刀。羅敏莊不擔心因為讀國際學校而忽略中文，她表示：「我哋講廣東話，講冇問題，寫就要教，學校有中文堂，但就教普通話、寫繁體字，呢方面我要落多啲心機教中文，我中文OK，所以唔怕，反而英文我未必教到佢。」
除了返學，作為媽媽的羅敏莊都會身教，陳禛彈琴和唱歌都充滿媽媽的影子，而羅敏莊亦特地為囡囡學習更多：「以前我哋邊有咁多呢啲嘢玩，依家佢哋睇完學完啲歌曲教番媽咪都幾好，我有時迫不得己都要學。」
場地提供：柏斯琴行（黃埔旗艦店）
回應 (0)
