新聞類別
副刊
港聞
詳情#
【蘋果日報】繼四年前的仁川亞運後，石偉雄在今屆雅加達亞運衞冕男子跳馬金牌。26歲的他在香港土生土長，小時候住在彩雲邨，自從他的出現，我們才知道原來香港體操運動員，也可以和其他體操大國如中國、日本、俄羅斯一樣，踏上亞運的最高頒獎台。
但風光背後，付出的是別人難以想像的艱辛。7歲，他就隻身到廣州參加訓練；二十年來，他絕少在香港過生日；還有他身上大大小小的手術疤痕，看見讓人心驚，他卻憑着對體操的熱愛和自身的堅毅，在香港體操這條荒涼路上，走過高山低谷，終於到達今天這片天地。
撰文：李偉圖
攝影：謝榮耀
愛上飛翔的感覺
石偉雄人生裏第一次遇見雪，在湖南，那時他11歲，在當地參加體操集訓，他在訓練館練習途中，窗外突然下了一場初雪，雪花慢慢從天空飄落，他和其他同學爭着到窗邊細看。當晚，他致電香港報平安，興奮地告訴母親，下雪了。
他的人生裏有很多第一次，都和體操有關。第一次離開香港，是7歲時到廣州訓練；第一次開生日派對，不是在麥當勞，在體育學院；第一次坐飛機，是14歲去夏威夷檀香山參加比賽；第一次入醫院做手術，是15歲時在昆明比賽頸部受重傷。體操和他的人生緊緊相連，而這一切，始於童年。
石偉雄自小和父母、兩個姐姐居於彩虹彩雲邨，母親是家庭主婦，父親是小巴司機，兒時他最愛坐父親的小巴到坪石，又會和母親到街市買餸。
「細個時去買餸，會幫媽咪拎米，左手一包右手一包，每包5公斤。」
6歲時，他在電視看到一個體育節目，看見體操健兒在空中翻騰，就嚷着要做體操。那時他在油麻地天主教小學就讀小一，每天在家中做倒立，然後用手走路，母親知道他性格好動，就帶他到油麻地的YMCA參加體操班。
「第一次跳彈床，就愛上咗空中飛翔嘅感覺。」
上了一年體操班，當時的教練覺得他有潛質，帶他到體育學院選拔，他順利獲選在體操隊跟操，一年不到就正式加入港隊。
「港隊成員最細嘅只有8、9歲，因為體操要自小開始訓練，如果唔係會直接影響日後表現。」
「最初入港隊好興奮，覺得好多嘢玩，單槓、雙槓、彈床、海綿池，全部未見過。之後第一次做到前空翻，係好開心嘅。」
廣州初嘗訓練滋味
母親年輕時曾經是田徑運動員，明白訓練重要，7歲那年暑假，決定送他到廣州跟當地體操隊集訓一個月，但母親知道囝囝性格「黐身」，決定先斬後奏。
「有一次媽咪話去買餸，我以為好似平時咁，搭一程小巴落坪石邨，嗰次好奇怪點解搭咗好耐車，媽咪放低我喺一個體育館，然後話買完餸會返嚟接我，點知一接就係一個月之後。」
時值盛夏，那時他在廣州的房間沒有冷氣，每晚一個人爬入大蚊帳中，瞓的是木板床，整整一個星期都在哭。
「嗰個年代喺廣州打電話返香港係好難嘅事，電話費好貴，每次都係傾一兩分鐘。
「我問阿媽，你係咪唔要我，我好掛住屋企，佢就話你乖啦，練習要畀心機，媽咪好快來接你。」
在廣州的日子，訓練的強度和要求比起香港都大得多，每天都要拉筋，早上6點半有早操，先跑步一個小時，然後練習到中午，午飯後繼續，直至黃昏方休 「練習好辛苦，開始知道訓練原來係咁嘅，但我算幾樂觀，每次拉筋痛一陣，有彈床玩，有得玩空翻，我好快就唔記得咗。睇返轉頭亦明白媽咪用心良苦。 之後幾年暑假，當其他同學一家大小出外旅遊，還是小學生的石偉雄就會到廣州集訓，慢慢也習以為常。這也令他的性格比同年的同學早熟、獨立。
「試問依家呢個年代，有邊個父母會將個6、7歲嘅小朋友，由一個好舒服嘅屋企，送去一個好辛苦嘅集訓環境？如果有都一定唔多。」
升上中學，石偉雄一星期練足五日。平日放學回家吃點東西，就出發到順利體操館或體院練習。比賽平均兩至三個月就有一次，本地賽事多數在星期六日，遇上海外比賽，就向學校請假一星期。每逢大型比賽前，也會到海外集訓備戰。
讀到中六，他和家人商量後，決定全心投入體操，09年他正式轉為全職運動員。
「我視體操為我終身事業，讀書幾時都可以讀，但體操唔係咩年紀都可以玩。」
倫敦奧運最低潮
轉為全職運動員後，訓練的時間和資源都增多，他的成績也不斷進步。12年倫敦奧運，他成功通過資格賽，首次獲得奧運入場券。
回港那天，記者親人老師朋友都在機場迎接他，現場一片歡樂，他喜極而泣，答謝大家支持，承諾在倫敦奧運爭取佳績。
「咁耐以嚟，我喺公開場合喊，只試過兩次，兩次都係關於倫敦奧運。」
當年他21歲，年少氣盛，自信滿滿，那年初，他剛剛在泛太平洋體操錦標賽中勇奪跳馬金牌，為倫敦奧運打了一支強心針。
結果，他在預賽中全面失準，兵敗如山倒，犯的都是一些不可原諒的低級錯誤，最擅長的跳馬，落地時更整個人摔坐到地上。
「我覺得自己一定攞到牌，不單自信，仲係自大，可能因為咁，好多嘢疏忽咗，好多失誤。」
賽後他在現場接受訪問，在鏡頭前哭不成聲，不停說對不起。
他的人生跌到谷底。
「去之前，個個都話石仔第一次參加奧運，有機會攞牌，個個捧到你上天，但一夜之間，就由好高跌返落嚟。
「奧運之後，冇人會提石仔呢個名，冇人會記得我以前係點，只會記得我衰咗。」
在此之前，每次大賽完畢，他最多只會請一兩天假，然後就再次投入訓練，倫敦奧運之後，他請了一個月假，每天留在家中，甚麼人也不見。「嗰陣時一聽到人提起2012、奧運呢兩個字，我就會發脾氣。」
親人好友紛紛安慰，但他無動於衷。
「好多人安慰我，但佢哋唔明白嗰種痛苦同心痛。一個運動員最渴望嘅舞台，最終竟然失敗收場，而且係衰到貼地，我過唔到自己嗰關。」
他性格好勝，但倫敦奧運徹底摧毀他的自信，他像一隻受了傷的小獅，躲在叢林深處不願出來。
幸有良師助我
這個時候，他的烏克蘭教練Sergiy Agafontsev，一手將他從黑暗處拖出來。
「嗰時我諗過退役，復操之後次次練一陣就話攰，坐埋一邊唔想做，佢就不停喺我傷口處灑鹽，不斷痛罵我，話我係loser。」自升中後，Sergiy一直都是石偉雄的教練，15年來相伴左右，他熟知石偉雄的脾性，每次鬧他，總是毫不留情，整個場館都聽得見。
「最初好委屈，但你越話我唔得，我內心始終唔想衰畀你睇，於是慢慢開始搵返自己嘅感覺同節奏。」
Sergiy作風嚴厲，在石偉雄眼中，他既是教練，是朋友，也像父親。
每年10月石偉雄的生日，大都遇上海外比賽或集訓，很少在香港度過，Sergiy總會在生日當天，為他準備生日蛋糕。而且衣食住行，也樣樣關心。
「佢會好緊張你，好照顧你，唔係淨係體操，例如佢會叫你唔好食杯麵，要食得健康啲；訓練期間落緊雪，我哋要出一出去，會經過露天地方，佢會叫你上去着返長褲先；夜晚見到我打機，會叫我唔好打咁夜。」
06年他在昆明參加全國青少年錦標賽，落地時有人拍照開了閃燈，他一時分神失去平衡，頸部着地重創，回港後即時送到醫院檢查，發現頸有幾節軟骨變形移位，還有碎骨，差一點就可能半身癱瘓。
那時他只有15歲，第一次做手術，手術後足足一個月，他終日躺在床上，不能落床，看着全身肌肉萎縮，過往的練習全部白費。父親要揸小巴開工，一直留守床邊的，除了母親，就是Sergiy，他大小便換尿壺甚麼都幫忙，直至徒弟康復出院。
葡萄成熟時
倫敦奧運一役，挫掉了石偉雄的氣燄棱角，讓他懂得用平常心面對賽事。走過低潮，兩年後的仁川亞運，他卻迎來人生第一個高峯，成為香港體操史上，首位亞運金牌得主。
16年巴西奧運，出發前四個月，他右肩筋腱勞損性撕裂，手痛得連舉也舉不起，勉強食止痛藥打類固醇針，忍痛參加資格賽，最終再次與奧運獎牌無緣。
回港後他即時接受手術，在右肩開了5個微創手術的切口，修復斷裂的筋腱，再用一年時間慢慢完全康復。
高低起跌，今年的雅加達亞運，他再次奪得男子體操跳馬金牌。
「其實冇想過衞冕，唔想畀自己太大壓力。可能經歷多咗，人大咗成熟咗，開始明白好多事不由人，盡晒力，就唔好諗太多。」由6歲開始，一路走來，20年的光陰，回想自己的運動員生涯，有何總結？
「一個運動員，訓練需時好長，體操最少都要訓練8年至10年，仲要由好細個開始，先至見到成績。」
「所以呢個係好長途嘅努力，好睇你嘅意志力。我要多謝好多人，家人、所有教練、體院、總會、好多好多人嘅支持。香港運動員，無論佢有冇成績都好，全部都值得尊重。」
訪問尾聲，攝影師要求拍攝他身上的手術疤痕，翻起上衣，頸、腰、右肩，都是多年受傷的印記，值得嗎？
「我只會擔心自己玩唔到體操，唔太擔心傷患。」
「我諗做得運動員，都一定具備一樣嘢，熱誠，即係你對嗰種運動，有幾鍾意？有幾堅持？你唔鍾意就唔會堅持。」
「體操帶畀我好多，第一次聽到掌聲，攞到自己嘅獎牌，第一次知道咩係人情冷暖，第一次開心嘅眼淚，好多好多經歷。」
「如果問我有咩犧牲，可能係童年時少咗同屋企人相處嘅時間，同埋每日放學就要去練習，冇得睇卡通片，記得嗰時有套四驅兄弟，只係聽身邊同學講，我係好後期，先出去租碟返嚟睇。」
差點忘了，他是愛車之人，18歲就考了車牌，難怪一套四驅兄弟卡通，會讓他耿耿於懷。
但風光背後，付出的是別人難以想像的艱辛。7歲，他就隻身到廣州參加訓練；二十年來，他絕少在香港過生日；還有他身上大大小小的手術疤痕，看見讓人心驚，他卻憑着對體操的熱愛和自身的堅毅，在香港體操這條荒涼路上，走過高山低谷，終於到達今天這片天地。
撰文：李偉圖
攝影：謝榮耀
愛上飛翔的感覺
石偉雄人生裏第一次遇見雪，在湖南，那時他11歲，在當地參加體操集訓，他在訓練館練習途中，窗外突然下了一場初雪，雪花慢慢從天空飄落，他和其他同學爭着到窗邊細看。當晚，他致電香港報平安，興奮地告訴母親，下雪了。
他的人生裏有很多第一次，都和體操有關。第一次離開香港，是7歲時到廣州訓練；第一次開生日派對，不是在麥當勞，在體育學院；第一次坐飛機，是14歲去夏威夷檀香山參加比賽；第一次入醫院做手術，是15歲時在昆明比賽頸部受重傷。體操和他的人生緊緊相連，而這一切，始於童年。
石偉雄自小和父母、兩個姐姐居於彩虹彩雲邨，母親是家庭主婦，父親是小巴司機，兒時他最愛坐父親的小巴到坪石，又會和母親到街市買餸。
「細個時去買餸，會幫媽咪拎米，左手一包右手一包，每包5公斤。」
6歲時，他在電視看到一個體育節目，看見體操健兒在空中翻騰，就嚷着要做體操。那時他在油麻地天主教小學就讀小一，每天在家中做倒立，然後用手走路，母親知道他性格好動，就帶他到油麻地的YMCA參加體操班。
「第一次跳彈床，就愛上咗空中飛翔嘅感覺。」
上了一年體操班，當時的教練覺得他有潛質，帶他到體育學院選拔，他順利獲選在體操隊跟操，一年不到就正式加入港隊。
「港隊成員最細嘅只有8、9歲，因為體操要自小開始訓練，如果唔係會直接影響日後表現。」
「最初入港隊好興奮，覺得好多嘢玩，單槓、雙槓、彈床、海綿池，全部未見過。之後第一次做到前空翻，係好開心嘅。」
廣州初嘗訓練滋味
母親年輕時曾經是田徑運動員，明白訓練重要，7歲那年暑假，決定送他到廣州跟當地體操隊集訓一個月，但母親知道囝囝性格「黐身」，決定先斬後奏。
「有一次媽咪話去買餸，我以為好似平時咁，搭一程小巴落坪石邨，嗰次好奇怪點解搭咗好耐車，媽咪放低我喺一個體育館，然後話買完餸會返嚟接我，點知一接就係一個月之後。」
時值盛夏，那時他在廣州的房間沒有冷氣，每晚一個人爬入大蚊帳中，瞓的是木板床，整整一個星期都在哭。
「嗰個年代喺廣州打電話返香港係好難嘅事，電話費好貴，每次都係傾一兩分鐘。
「我問阿媽，你係咪唔要我，我好掛住屋企，佢就話你乖啦，練習要畀心機，媽咪好快來接你。」
在廣州的日子，訓練的強度和要求比起香港都大得多，每天都要拉筋，早上6點半有早操，先跑步一個小時，然後練習到中午，午飯後繼續，直至黃昏方休 「練習好辛苦，開始知道訓練原來係咁嘅，但我算幾樂觀，每次拉筋痛一陣，有彈床玩，有得玩空翻，我好快就唔記得咗。睇返轉頭亦明白媽咪用心良苦。 之後幾年暑假，當其他同學一家大小出外旅遊，還是小學生的石偉雄就會到廣州集訓，慢慢也習以為常。這也令他的性格比同年的同學早熟、獨立。
「試問依家呢個年代，有邊個父母會將個6、7歲嘅小朋友，由一個好舒服嘅屋企，送去一個好辛苦嘅集訓環境？如果有都一定唔多。」
升上中學，石偉雄一星期練足五日。平日放學回家吃點東西，就出發到順利體操館或體院練習。比賽平均兩至三個月就有一次，本地賽事多數在星期六日，遇上海外比賽，就向學校請假一星期。每逢大型比賽前，也會到海外集訓備戰。
讀到中六，他和家人商量後，決定全心投入體操，09年他正式轉為全職運動員。
「我視體操為我終身事業，讀書幾時都可以讀，但體操唔係咩年紀都可以玩。」
倫敦奧運最低潮
轉為全職運動員後，訓練的時間和資源都增多，他的成績也不斷進步。12年倫敦奧運，他成功通過資格賽，首次獲得奧運入場券。
回港那天，記者親人老師朋友都在機場迎接他，現場一片歡樂，他喜極而泣，答謝大家支持，承諾在倫敦奧運爭取佳績。
「咁耐以嚟，我喺公開場合喊，只試過兩次，兩次都係關於倫敦奧運。」
當年他21歲，年少氣盛，自信滿滿，那年初，他剛剛在泛太平洋體操錦標賽中勇奪跳馬金牌，為倫敦奧運打了一支強心針。
結果，他在預賽中全面失準，兵敗如山倒，犯的都是一些不可原諒的低級錯誤，最擅長的跳馬，落地時更整個人摔坐到地上。
「我覺得自己一定攞到牌，不單自信，仲係自大，可能因為咁，好多嘢疏忽咗，好多失誤。」
賽後他在現場接受訪問，在鏡頭前哭不成聲，不停說對不起。
他的人生跌到谷底。
「去之前，個個都話石仔第一次參加奧運，有機會攞牌，個個捧到你上天，但一夜之間，就由好高跌返落嚟。
「奧運之後，冇人會提石仔呢個名，冇人會記得我以前係點，只會記得我衰咗。」
在此之前，每次大賽完畢，他最多只會請一兩天假，然後就再次投入訓練，倫敦奧運之後，他請了一個月假，每天留在家中，甚麼人也不見。「嗰陣時一聽到人提起2012、奧運呢兩個字，我就會發脾氣。」
親人好友紛紛安慰，但他無動於衷。
「好多人安慰我，但佢哋唔明白嗰種痛苦同心痛。一個運動員最渴望嘅舞台，最終竟然失敗收場，而且係衰到貼地，我過唔到自己嗰關。」
他性格好勝，但倫敦奧運徹底摧毀他的自信，他像一隻受了傷的小獅，躲在叢林深處不願出來。
幸有良師助我
這個時候，他的烏克蘭教練Sergiy Agafontsev，一手將他從黑暗處拖出來。
「嗰時我諗過退役，復操之後次次練一陣就話攰，坐埋一邊唔想做，佢就不停喺我傷口處灑鹽，不斷痛罵我，話我係loser。」自升中後，Sergiy一直都是石偉雄的教練，15年來相伴左右，他熟知石偉雄的脾性，每次鬧他，總是毫不留情，整個場館都聽得見。
「最初好委屈，但你越話我唔得，我內心始終唔想衰畀你睇，於是慢慢開始搵返自己嘅感覺同節奏。」
Sergiy作風嚴厲，在石偉雄眼中，他既是教練，是朋友，也像父親。
每年10月石偉雄的生日，大都遇上海外比賽或集訓，很少在香港度過，Sergiy總會在生日當天，為他準備生日蛋糕。而且衣食住行，也樣樣關心。
「佢會好緊張你，好照顧你，唔係淨係體操，例如佢會叫你唔好食杯麵，要食得健康啲；訓練期間落緊雪，我哋要出一出去，會經過露天地方，佢會叫你上去着返長褲先；夜晚見到我打機，會叫我唔好打咁夜。」
06年他在昆明參加全國青少年錦標賽，落地時有人拍照開了閃燈，他一時分神失去平衡，頸部着地重創，回港後即時送到醫院檢查，發現頸有幾節軟骨變形移位，還有碎骨，差一點就可能半身癱瘓。
那時他只有15歲，第一次做手術，手術後足足一個月，他終日躺在床上，不能落床，看着全身肌肉萎縮，過往的練習全部白費。父親要揸小巴開工，一直留守床邊的，除了母親，就是Sergiy，他大小便換尿壺甚麼都幫忙，直至徒弟康復出院。
葡萄成熟時
倫敦奧運一役，挫掉了石偉雄的氣燄棱角，讓他懂得用平常心面對賽事。走過低潮，兩年後的仁川亞運，他卻迎來人生第一個高峯，成為香港體操史上，首位亞運金牌得主。
16年巴西奧運，出發前四個月，他右肩筋腱勞損性撕裂，手痛得連舉也舉不起，勉強食止痛藥打類固醇針，忍痛參加資格賽，最終再次與奧運獎牌無緣。
回港後他即時接受手術，在右肩開了5個微創手術的切口，修復斷裂的筋腱，再用一年時間慢慢完全康復。
高低起跌，今年的雅加達亞運，他再次奪得男子體操跳馬金牌。
「其實冇想過衞冕，唔想畀自己太大壓力。可能經歷多咗，人大咗成熟咗，開始明白好多事不由人，盡晒力，就唔好諗太多。」由6歲開始，一路走來，20年的光陰，回想自己的運動員生涯，有何總結？
「一個運動員，訓練需時好長，體操最少都要訓練8年至10年，仲要由好細個開始，先至見到成績。」
「所以呢個係好長途嘅努力，好睇你嘅意志力。我要多謝好多人，家人、所有教練、體院、總會、好多好多人嘅支持。香港運動員，無論佢有冇成績都好，全部都值得尊重。」
訪問尾聲，攝影師要求拍攝他身上的手術疤痕，翻起上衣，頸、腰、右肩，都是多年受傷的印記，值得嗎？
「我只會擔心自己玩唔到體操，唔太擔心傷患。」
「我諗做得運動員，都一定具備一樣嘢，熱誠，即係你對嗰種運動，有幾鍾意？有幾堅持？你唔鍾意就唔會堅持。」
「體操帶畀我好多，第一次聽到掌聲，攞到自己嘅獎牌，第一次知道咩係人情冷暖，第一次開心嘅眼淚，好多好多經歷。」
「如果問我有咩犧牲，可能係童年時少咗同屋企人相處嘅時間，同埋每日放學就要去練習，冇得睇卡通片，記得嗰時有套四驅兄弟，只係聽身邊同學講，我係好後期，先出去租碟返嚟睇。」
差點忘了，他是愛車之人，18歲就考了車牌，難怪一套四驅兄弟卡通，會讓他耿耿於懷。
回應 (0)
