彤叔孫女 執掌新世界酒店

【明報專訊】近呢一兩年富豪家族分家產、爭身家新聞不絕耳，無他，皆因全港最有錢的要數第二代香港人，而呢班上世紀二、三十年代出生嘅大孖沙，大部分都開始淡出公司，佢哋嘅第二、第三代自然要開始上位，過程中難免出現爭拗。各大孖沙中，小琴覺得新世界集團（0017）嘅彤叔（鄭裕彤）最「精靈」，一早交棒畀純官鄭家純，純官亦開始畀仔女參與集團業務，最新消息就係純官千金鄭志雯，由新世界酒店集團執行副主席，晉升為酒店集團主席嘞。

小琴同呢位鄭家二小姐有過一面之緣，套用祖國太空人楊利偉名言「感覺良好」，因Sonia（鄭之洋名）淡妝長直髮，談吐有紋有路，比起好多經常打扮花枝招展，但無所事事的富二代、富三代，佢行出嚟一副行政人員模樣，而且聽得出佢真係想搞好公司嘅酒店業務。Sonia喺2003年畢業於哈佛大學應用數學系，之後，就加入一家國際投資銀行同國際美資私募股權公司，負責地產投資業務，學歷同工作經驗都咁豐富，彤叔應該都好放心畀呢個孫女打理酒店業務啦。