海南航空賀奪5星 大派4.5個月花紅

【明報專訊】講起同遮唔同柄嘅道理，又豈止個別行業吖，航空界咪又係一樣。

正當國泰航空（0293）班機艙服務員大叫公司加薪變相搵笨、日捱夜捱做到猝死之際，內地嘅海南航空就大派4.5個月花紅，慶祝佢哋躋身全球首屈一指嘅航空公司，畀Skytrax選定為5星級航空公司。每個員工大派4.5個月花紅，要成3億元人民幣，咁豪皆因Skytran 5星級航空公司絕對唔嘢少，新加坡航空、卡塔爾航空、馬來西亞航空、國泰航空、印度嘅翠鳥航空同埋韓國嘅韓亞航空都攞過呢個獎。

對員工好員工自然賣命一啲、公司業績自然好啲，可惜呢個顯淺嘅道理唔係個個明白，以海南航空做例子，喺員工賣命嘅情况下，頭三季海南航空嘅淨利潤就達到17.8億元人民幣，國泰明白未？