新聞類別
娛樂
詳情#
【蘋果日報】BOYZ最近開個唱，讓人想到當年那些男子唱跳組合不少已各散東西。VRF曾以一首《寒冰掌》佔一席位，當年只有19歲的李安（Ray）是成員之一，可惜在樂壇只是曇花一現，他就由幕前跳到幕後。Ray之後做過形象指導，又試過學影相，可惜最後被骨枯擊沉，幸好透過滑浪尋回自己。
撰文：鄉奈仁
攝影：林德雄
李安（Ray）原名李威衡，當年只有19歲的他和丁子高、 梁世豪及余啟邦簽約華納組成四人男子跳唱組合VRF。不過，組合於00年出過一張同名EP《VRF》，及01年一張新歌加精選唱片便告解散，Ray由幕前跳到幕後，一切重新開始，試過做形象指導，又試過學影相。
說回那些年由歌手轉做形象指導，Ray日前在其石澳安樂窩接受《蘋果》訪問，他對此毫不在乎：「我又冇乜嘢喎，嗰時仲係(o靚)仔，又冇乜所謂，幕前玩唔到，咪試吓其他，都仲喺呢行，總有機會。自己喺呢行左搖右擺咁，乜都要試吓，嗰時都有做音樂，有幫過Sammi（鄭秀文）、Shine同Edison（陳冠希）。」Ray續謂：「我諗轉咗三、四個月左右，有次見到容祖兒，佢望住我，問『你轉咗行？』我話『係呀，我依家幫人做image，你有冇嘢搵我呀。』依家諗番起覺得好好笑！」
換骹要再學行
後來，Ray隨攝影師Leslie Kee飛到日本學影相，但在當地留了一陣子便返香港。除了思念家人，是Ray察覺身體響起警號：「大約06年，我發覺右邊腳行樓梯時好痛，但睇咗好多醫生都話冇事，直至睇到第五個醫生，佢同我講『你啲骨頭枯咗喎，你唔覺得痛㗎咩？』」Ray最終做了「換骹」手術，但這才是痛苦的開始，不但要重新學習走路，左右腳更一邊粗一邊幼：「成個人沉晒，沉得好緊要，因為行路都東歪西倒。跟住我就搬咗入石澳住，每日我都會行山訓練自己，我唔想咁down，自己又好extreme，於是我問醫生可唔可以打拳，醫生話可以，我問可唔可以滑浪，醫生話『咁你有冇痛吖？冇咪可以囉！』於是我日日行山，日日滑浪，透過滑浪我搵番自己，改變好多，最重要係識到我太太。」
阿婆一句K.O.
離開幕前十多年，Ray一年多前在油麻地開店賣梳乎厘班戟，生意已上軌道：「開舖前我企咗喺度幾個月睇人流，嗰時呢度周圍都係地盤，我日日企喺條街數人頭，覺得有得做，最後都租咗落嚟。初初開都幾驚，生意淡薄，我攞住底雞蛋仔，好似拍星爺笑片咁，企喺街叫阿婆試食，阿婆一句『都唔脆嘅』就K.O.咗你。」
撰文：鄉奈仁
攝影：林德雄
李安（Ray）原名李威衡，當年只有19歲的他和丁子高、 梁世豪及余啟邦簽約華納組成四人男子跳唱組合VRF。不過，組合於00年出過一張同名EP《VRF》，及01年一張新歌加精選唱片便告解散，Ray由幕前跳到幕後，一切重新開始，試過做形象指導，又試過學影相。
說回那些年由歌手轉做形象指導，Ray日前在其石澳安樂窩接受《蘋果》訪問，他對此毫不在乎：「我又冇乜嘢喎，嗰時仲係(o靚)仔，又冇乜所謂，幕前玩唔到，咪試吓其他，都仲喺呢行，總有機會。自己喺呢行左搖右擺咁，乜都要試吓，嗰時都有做音樂，有幫過Sammi（鄭秀文）、Shine同Edison（陳冠希）。」Ray續謂：「我諗轉咗三、四個月左右，有次見到容祖兒，佢望住我，問『你轉咗行？』我話『係呀，我依家幫人做image，你有冇嘢搵我呀。』依家諗番起覺得好好笑！」
換骹要再學行
後來，Ray隨攝影師Leslie Kee飛到日本學影相，但在當地留了一陣子便返香港。除了思念家人，是Ray察覺身體響起警號：「大約06年，我發覺右邊腳行樓梯時好痛，但睇咗好多醫生都話冇事，直至睇到第五個醫生，佢同我講『你啲骨頭枯咗喎，你唔覺得痛㗎咩？』」Ray最終做了「換骹」手術，但這才是痛苦的開始，不但要重新學習走路，左右腳更一邊粗一邊幼：「成個人沉晒，沉得好緊要，因為行路都東歪西倒。跟住我就搬咗入石澳住，每日我都會行山訓練自己，我唔想咁down，自己又好extreme，於是我問醫生可唔可以打拳，醫生話可以，我問可唔可以滑浪，醫生話『咁你有冇痛吖？冇咪可以囉！』於是我日日行山，日日滑浪，透過滑浪我搵番自己，改變好多，最重要係識到我太太。」
阿婆一句K.O.
離開幕前十多年，Ray一年多前在油麻地開店賣梳乎厘班戟，生意已上軌道：「開舖前我企咗喺度幾個月睇人流，嗰時呢度周圍都係地盤，我日日企喺條街數人頭，覺得有得做，最後都租咗落嚟。初初開都幾驚，生意淡薄，我攞住底雞蛋仔，好似拍星爺笑片咁，企喺街叫阿婆試食，阿婆一句『都唔脆嘅』就K.O.咗你。」
回應 (0)
