四叔山頂府邸圖則曝光 起3間屋

【明報專訊】四叔李兆基的男、女孫愈來愈多，家屋企地方未必夠用，去年中他以天價18.2億元投得供家族自住嘅山頂白加道35號， 單是樓面地皮呎價（未計建築費）已高達6.82萬元，該項目趕及3月底發水限制前，批出圖則，地皮可建3間3層高洋房（於1層停車場之上），連發水每間屋室內面積必定有萬幾呎，認真威風。

話時話，四叔與「超人」李嘉誠，都係喜歡於自住物業起3間屋，可能都係鍾意屋企人，每房人一間。唔知遲啲係咪四叔住一間、家傑與三男孫住一間、家誠與子淇一家又住一間呢？

兩子及自己各一間

屋宇署昨日最新資料，四叔家族投得的白加道地皮，未計發水前，可建樓面共2.375萬方呎，即每間屋室內面積未發水已有約8000方呎。而「超人」現住的壽山村道豪宅，根據地政總署資料，未發水前，可建樓面則為2.05萬方呎，同樣都係起3間屋。

記得去年四叔幼子李家誠投得該地皮後表示，地皮將建洋房家族自用，四叔料也會遷入。這幅地皮成交價創下本港開埠以來最貴樓面地價紀錄，加埋建築費，每方呎成本價近8萬元。李家誠當時更笑說﹕「家人住開apartment（分層住宅），所以想住吓house（獨立屋）」；被問到李兆基會否搬入，他說「應該會」。李家誠表示成交價與預期相若，說地皮極為罕有，成交價合理。

李兆基家族80年代初已居於由恒地發展的中半山麥當勞道惠苑頂層3層單位，以每層約4500方呎計算，共涉13,500方呎，天台更附設泳池。

報料電郵﹕piano@mingpao.com