新聞類別
娛樂
詳情#
【蘋果日報】張嘉兒於07年參選港姐奪冠，入行多年發展平平，昔日更因被惡評攻擊，令她失去自信，又為負評流過不少眼淚。直到15年與圈外男友Nathan結婚，翌年誕下囡囡Leora，一家三口幸福滿瀉，現在更錦上添花，懷了第二胎。回想起遭人惡意批評，張嘉兒仍會眼紅紅：「可能有好多觀眾唔鍾意我。」但她已經學懂自我開解：「開心真係會靚，我有錫我嘅老公同屋企人，人生好完美！」
撰文︰何慧斯
攝影︰陳慧安
張嘉兒婚後由全職藝人變全職媽媽，上周更宣佈懷第二胎，預產期在明年5月。榮升人母後，她的生活習慣大改變，早前她在九龍城受訪時說：「我依家主力湊女，劇已經少拍，有時會去打理自己間語言中心，拍啲湊仔片去fb，分享湊B心得。囡囡好黐身，好彩我都係黐身媽咪，我平時好少出街，就算約會都會盡快返屋企，唔會再着高踭鞋、拎細袋，好多嘢唔同晒。」嘉兒當媽媽後很開心及享受，也訓練了自己的耐性及責任感。
睇能力追多個
生於大家庭的張嘉兒，四姊妹感情深厚，婚後都想建立大家庭，再懷孕是計劃之內：「好想小朋友有兄弟姊妹陪住成長，不過暫時計劃生兩個，之後睇經濟狀況再決定生第三個。」
一朝被蛇咬，十年怕草繩。張嘉兒曾因為選港姐惹來惡評，所以不想女兒參加選美：「將來入唔入娛樂圈，應該畀佢自己選擇，但我未必想佢參加港姐。當年經歷有啲陰影，始終做娛樂圈成日被批評，私人空間少，唔想佢喺呢種壓力下長大，好辛苦。」
昔日面對四方八面的壓力，張嘉兒總算捱過去，但當年對她的傷害甚深，重提時不禁眼紅紅說：「其實係好唔開心，當時太多事情發生，未有時間吸收，亦唔識將情緒釋放，攞完港姐冠軍後嗰幾年，自信減低咗，要慢慢調節，惟有努力學扮靚，因為我改變唔到人哋嘅睇法，惟有做好自己。」
張嘉兒自言「重建信心」工程不容易，她眼紅紅說：「以前都成日諗，喺我生命裏面，好多人批評我，或者好多觀眾唔鍾意我，但呢個圈以外，我好多嘢都好圓滿，我有好好嘅家庭、學業同健康，呢啲嘢對我嚟講已經好夠，我開心同感恩擁有好多嘢，好似有好錫我嘅老公同屋企人，真係好足夠，慢慢就開心番。」
跌低學識起身
經此一役，張嘉兒領悟自信是來自開心：「開心真係會靚，人生中只係嗰幾樣唔好，其他好perfect，唔應該怨天怨地，未選之前好有自信，點知選美後失去自信，依家生完個女，又畀咗自信我，做媽媽就算冇10分，都有8分半啦！」她說不介意與囡囡分享這個「慘痛」經歷，因為：「我希望佢喺我身上，學識跌低點樣企番起身，做個有自信、獨立嘅人。」
化妝、髮型：Phoebe Y of Phoebe Y Image
場地提供：Ludus Club
撰文︰何慧斯
攝影︰陳慧安
張嘉兒婚後由全職藝人變全職媽媽，上周更宣佈懷第二胎，預產期在明年5月。榮升人母後，她的生活習慣大改變，早前她在九龍城受訪時說：「我依家主力湊女，劇已經少拍，有時會去打理自己間語言中心，拍啲湊仔片去fb，分享湊B心得。囡囡好黐身，好彩我都係黐身媽咪，我平時好少出街，就算約會都會盡快返屋企，唔會再着高踭鞋、拎細袋，好多嘢唔同晒。」嘉兒當媽媽後很開心及享受，也訓練了自己的耐性及責任感。
睇能力追多個
生於大家庭的張嘉兒，四姊妹感情深厚，婚後都想建立大家庭，再懷孕是計劃之內：「好想小朋友有兄弟姊妹陪住成長，不過暫時計劃生兩個，之後睇經濟狀況再決定生第三個。」
一朝被蛇咬，十年怕草繩。張嘉兒曾因為選港姐惹來惡評，所以不想女兒參加選美：「將來入唔入娛樂圈，應該畀佢自己選擇，但我未必想佢參加港姐。當年經歷有啲陰影，始終做娛樂圈成日被批評，私人空間少，唔想佢喺呢種壓力下長大，好辛苦。」
昔日面對四方八面的壓力，張嘉兒總算捱過去，但當年對她的傷害甚深，重提時不禁眼紅紅說：「其實係好唔開心，當時太多事情發生，未有時間吸收，亦唔識將情緒釋放，攞完港姐冠軍後嗰幾年，自信減低咗，要慢慢調節，惟有努力學扮靚，因為我改變唔到人哋嘅睇法，惟有做好自己。」
張嘉兒自言「重建信心」工程不容易，她眼紅紅說：「以前都成日諗，喺我生命裏面，好多人批評我，或者好多觀眾唔鍾意我，但呢個圈以外，我好多嘢都好圓滿，我有好好嘅家庭、學業同健康，呢啲嘢對我嚟講已經好夠，我開心同感恩擁有好多嘢，好似有好錫我嘅老公同屋企人，真係好足夠，慢慢就開心番。」
跌低學識起身
經此一役，張嘉兒領悟自信是來自開心：「開心真係會靚，人生中只係嗰幾樣唔好，其他好perfect，唔應該怨天怨地，未選之前好有自信，點知選美後失去自信，依家生完個女，又畀咗自信我，做媽媽就算冇10分，都有8分半啦！」她說不介意與囡囡分享這個「慘痛」經歷，因為：「我希望佢喺我身上，學識跌低點樣企番起身，做個有自信、獨立嘅人。」
化妝、髮型：Phoebe Y of Phoebe Y Image
場地提供：Ludus Club
回應 (0)
