陸永棄麥玲玲轉會催運

【蘋果日報】陸永及龐景峰前晚到銅鑼灣出席「雲文子大師簽書會」活動，陸永獲雲師傅送贈催財水晶樹及手繩，問陸永是否由麥玲玲轉會到雲文子門下？陸永笑說：「玲玲姐同呢個唔同，佢哋都係靠催，不過多數係吹水，雲文子有幫我催運，做咗都幾好，而我短期目標係考到車牌。」雲師傅並預言農夫下年會發達買豪宅，陸永坦言想置業：「如果搵到首期買就開心啦！我對奇門遁甲、紫微斗數、風水好有興趣，好似久病成醫咁，睇咗好多唔同類型（算命），樣樣略知一二。」
此外，陸永透露農夫明年將再夥拍鄭裕玲（嘟姐）拍攝旅遊節目，他說：「主題係出夜街，嘟姐平日好早瞓，佢都OK，但未知去邊度拍。」
採訪、攝影：盧妹