陀B單文柔嗜甜展鵬落禁令

【蘋果日報】剛宣佈懷孕的單文柔，昨日到西環出席聖誕活動，腹部微隆的她，仍穿上四吋高踭鞋現身。單文柔受訪時稱已開始揀BB衫，問到何時公佈性別及懷孕多久時，她說：「畀多少少時間我哋，講得嘅時候一定會同大家公佈。」
對於老公陳展鵬曾表示生仔叫「小煎Pan」，生女叫「陳皮梅」，單文柔說：「兩個名都好特別，曾經有諗過希望生龍鳳胎，咁就可以一次過收工。」她又表示原本喜歡甜食，但懷孕後就被老公禁止：「成日都好想食，但佢依家每日都叫我唔好食甜嘢同雪糕，每日都同我喺度拉鋸緊。」至於會否減工作？她說：「都係睇公司安排，如果有工作會好開心，老公亦都冇刻意叫減產。」
採訪、攝影：曹家誠
長青網 - 一站式長者及護老者生活資訊網站