瑞銀員工唔易做

【明報專訊】各行各業因應唔同工種，都會有自己嘅dress code，金融行業亦唔例外，尤其係前線員工，由於要面對面接觸客戶，所以更加需要注重形象，如果唔係啲客人又點會放心將啲錢交畀間金融機構保管呢？小琴都聽講過，有啲銀行嘅前線員工除咗要著制服外，女職員若長髮及肩就要束起等諸如此類嘅規矩，不過，應該都唔及瑞士最大銀行瑞銀（UBS）咁嚴格，據聞佢哋嘅dress code長達44頁紙，相信淨係睇都有排睇！

不過，瑞銀發言人同小琴解釋，44頁dress code，只適用於瑞銀位於蘇黎世嘅零售銀行員工，而瑞銀其他業務及其他地區嘅員工則不受此限，即係話瑞銀香港嘅職員可以倖免，如果唔係好多i-banker相信要重新再置新裝。