新聞類別
娛樂
詳情#
【蘋果日報】【今日ENT】鄭伊健將於下月24日至3月1日在紅館舉行六場演唱會，前晚他接受《今日ENT》直播訪問，玩遊戲及大談電影生涯的趣事。他透露當年本來不想接演《古惑仔》，怕角色影響形象，不過最終答應演出陳浩南，全因被導演劉偉強誠意打動。
開工即遇打交
伊健憶述開工第一日到骨場拍攝，他說：「我仲記得當日陳小春開住架跑車去拍戲，點知出面打交，整爛佢架車，哈哈！」他坦言當日都有少少驚，更想過辭演，但與劇組熟絡後，越拍越有默契。問到《古惑仔》系列電影中，最想演五兄弟哪個角色，伊健竟表示反而最想演黃秋生飾演的「大飛」，他說：「我覺得個角色好好玩，永遠喺緊要moment，佢一出現就搞掂成件事。」
伊健坦言愛演奇怪角色，像《三岔口》與《第一誡》，他覺得好玩，但《古惑仔》是英雄主義、漫畫改編的電影，才令觀眾印象深刻。「做慣英雄」的伊健都拍過笑片，不過有些角色至今卻令他不堪回首：「《老婆唔夠秤》我接受到，之後拍《見習黑玫瑰》，我做羅賓，呢個角色原本唔係咁，之後不斷改劇本，變咗呢個羅賓，我都係演員，要做好佢。做完之後有啲導演就覺得我咁都肯試，就繼續搵我。」
開騷唱廣東歌
談到演唱會，伊健透露已籌備得七七八八，因為已經是第五次，自己與觀眾都有要求。問到跳舞難定唱國語歌難？他表示：「跳舞難，基於rundown排歌序，有啲國語歌未必擺到入去，喺內地都係唱廣東歌，我諗人哋鍾意聽嘅係廣東歌，不如唱廣東歌。」對於外傳伊健和謝天華不和，伊健笑言：「係呀，佢依家攞唔到我啲飛。」
採訪：蘇美怡
攝影：陳俊強
長青網 - 一站式長者及護老者生活資訊網站
開工即遇打交
伊健憶述開工第一日到骨場拍攝，他說：「我仲記得當日陳小春開住架跑車去拍戲，點知出面打交，整爛佢架車，哈哈！」他坦言當日都有少少驚，更想過辭演，但與劇組熟絡後，越拍越有默契。問到《古惑仔》系列電影中，最想演五兄弟哪個角色，伊健竟表示反而最想演黃秋生飾演的「大飛」，他說：「我覺得個角色好好玩，永遠喺緊要moment，佢一出現就搞掂成件事。」
伊健坦言愛演奇怪角色，像《三岔口》與《第一誡》，他覺得好玩，但《古惑仔》是英雄主義、漫畫改編的電影，才令觀眾印象深刻。「做慣英雄」的伊健都拍過笑片，不過有些角色至今卻令他不堪回首：「《老婆唔夠秤》我接受到，之後拍《見習黑玫瑰》，我做羅賓，呢個角色原本唔係咁，之後不斷改劇本，變咗呢個羅賓，我都係演員，要做好佢。做完之後有啲導演就覺得我咁都肯試，就繼續搵我。」
開騷唱廣東歌
談到演唱會，伊健透露已籌備得七七八八，因為已經是第五次，自己與觀眾都有要求。問到跳舞難定唱國語歌難？他表示：「跳舞難，基於rundown排歌序，有啲國語歌未必擺到入去，喺內地都係唱廣東歌，我諗人哋鍾意聽嘅係廣東歌，不如唱廣東歌。」對於外傳伊健和謝天華不和，伊健笑言：「係呀，佢依家攞唔到我啲飛。」
採訪：蘇美怡
攝影：陳俊強
長青網 - 一站式長者及護老者生活資訊網站
回應 (0)
