新聞類別
港聞
詳情#
【明報專訊】昨晚賀歲煙花匯演，既有兔仔臉和哈哈笑，又有「I LOVE HK」色樣的七彩煙花在維港上空爆發，結果含蓄的兔仔出場時，「嘩」聲之大不及「我愛香港」。兔仔究竟輸在哪？「兔仔個頭調轉了」、「兔仔唔夠爆，沒有一連串嘭嘭嘭嘭聲啊」、「『我愛香港』出場時，配合火樹銀花特別有氣勢」。這些都是維港兩岸看煙花的市民心聲。
「兔仔唔夠爆 沒嘭嘭聲」
既然「I LOVE HK」熱爆，璀璨煙花落幕後，愛香港的市民又有何祝願？余女士想了想說：「香港人，其實唔係個個愛香港，因為貧富懸殊好嚴重，窮人走投無路便出來示威抗議。我希望即將公布的財政預算案，可支援低下階層。」
林小姐說：「樓價升完又升，香港人想有個安樂窩都難，特別是80後青年，買樓難過登天，希望市場有多些中價樓供應，令人人都住得舒服。」
阮先生提起通脹就肉赤：「年三十晚買隻雞要300元，去年只是數十元，結果煮一頓團年飯要成千元。這幾個月通脹猛於虎，我和家人平日甚少出街食飯，慳得就慳，窮人就真慘。」黃先生希望政府可創造更多就業機會，扶助基層就業。
「貧富懸殊嚴重 非個個愛港」
一如往年，賀歲煙花昨大年初二晚8時於維港上空發放，吸引30萬人於維港兩岸觀賞，特首曾蔭權及中聯辦副主任黎桂康主禮。歷時23分鐘的煙花分為8節，首節先見紅彤彤寓意「發財」的「8」字煙花，接着是兔年焦點兔仔頭和哈哈笑臉登場。煙花商為兔仔頭，用了5個月時間設計製作，但觀眾卻未有為兔仔落力喊出亢奮「嘩」聲，大概因為兔兒的的圓臉太含蓄了，又沒有連環「嘭嘭」大笑。
當第5節紅色「I LOVE HK」出場，配合如火樹銀花的五彩煙火連環爆發，觀眾的心都被燃亮了，狂叫「嘩、嘩、嘩」。最後一幕，煙花如爆竹一樣「嘭嘭嘭嘭嘭」，黑夜就此變身彩虹。數分鐘後煙花散落，我愛香港的祝願，留在每個人心中。
回應 (0)
