新聞類別
港聞
詳情#
【蘋果日報】人到中年學整餅，是謝興之的人生寫照。作為老字號餅家第三代傳人，讀建築測量出身的他是家中孻子，他笑稱因為兄弟姊妹間「大蝦細」，所以他「冇得揀」，只好回家幫手。由零開始，到後來遠赴澳洲拜師學藝歸來，多年來謝興之捱過在老餅店「踎閣仔」的黑暗歲月，也看慣餅店老師傅的臉色，如今他掌管三間分店，總算走過最艱難日子。原來守住傳統，用心就可以。
記者：黎國剛
攝影：劉柏麟
謝興之承傳的家族生意，是有76年歷史、植根元朗的大同老餅家。他現時打理的三間分店，其中一間位於灣仔利東街。新年期間店內人頭湧湧，雞仔餅、老婆餅、蘿蔔糕及家鄉蛋卷等一應俱全，當中有一個人身穿T恤、短褲及波鞋，聚精會神打量各式各樣的糕點餅食，每一款都是他的心頭好，但他站了良久到頭來沒幫襯，如果不是員工沒有趕客，還表現得恭恭敬敬，或許記者不會想到他就是餅店老闆。
現年50歲的謝興之，在五兄弟姊妹中排行最小，本身是專業人士，曾留學澳洲攻讀建築測量，並入行二十載。他自言當年在行內應該是前途無限，「再升就係人哋所講嘅升上神枱」；殊不知他在2005年會放棄自己的專業，回家打理家族餅店。「一開始爸爸叫仔女返舖頭幫手，兄弟姊妹商量邊個接手，但個個都話：『睇吓點先啦！』大家唔願做，我做細嘅通常俾大嘅蝦！」他說時一臉笑容沒有委屈。
「原本舊公司坐好企理嘅寫字樓，返到餅舖連間似樣嘅房都冇，每日踎貨倉角落！」
原來謝興之口中的大蝦細，是兄弟姊妹各有所成，個個不是醫生就是律師，他自言最水皮，所以最能夠放下包袱。他眼見當時75歲的父親日日埋首老餅店，也經常提到做餅是一門傳統，不禁令他認真想過：「始終餅店係由爺爺傳落嚟，係咪可以世世代代一直傳承下去呢？」最後他把心一橫，決定在工作生涯中從頭來過，希望將家族餅店發揚光大。
不過由零開始殊不簡單，謝興之坦言：「砌磚我就識，用麵粉做餅就真係唔識！」他記得最初學接手餅店生意，困身在元朗老店的日子，與做建築測量時享有寬敞的寫字樓，又有秘書，真是天淵之別。「原本舊公司係坐喺好企理嘅寫字樓，但返到餅舖就連一間似樣嘅房都冇，每日踎喺貨倉角落，冇冷氣，只係放部電腦喺度，做完嘢第二朝竟然發現有隻貓經過，屙咗篤尿喺部電腦度！」
面對如此情景，謝興之形容當時整個人都很沮喪，甚至會問自己：「要踎閣仔踎到幾時？」不單止難忍惡劣環境，他作為新手老闆，與員工的相處亦遇上很大挫折，很多時還得看餅店老師傅的臉色。「因為當時我乜都唔識，雖然話自己細細個已經睇住爸爸做餅，亦都跟爸爸學過下，但要親自落場做餅，賣餅畀顧客就係另一回事。班老師傅會覺得我係讀書人，淨係識讀書，對手作嘢（整餅）肯定唔得。」
「嗰時朝早4點要去到餅房，到下晝4點，麵包、西餅乜都做，就係咁開始學做餅。」
他不諱言當時老師傅處處刁難，「譬如我同佢哋講日子咁，佢哋會講農曆嚟答我，但其實佢哋明知我係講緊西曆。」為了令餅店老師傅心服口服，他在餅店工作一年後，毅然到澳洲拜師學藝。由於早年有不少香港的傳統做餅師傅移民澳洲，他們無論是中式或西式的麵包糕餅都懂得做，謝興之於是找來自己在當地留學時，所認識的其中一位做餅師傅拜師學藝。
「嗰時朝早4點就要去到餅房，直到下晝4點，麵包、西餅乜都做，唔識都照做，就係咁開始學做餅。」如是者日復日，一年過去，謝興之對各種做餅工序都有所掌握，亦學懂如何打理一間餅房。學成歸來謝興之不禁偷笑，知道自己不再是新手，「老師傅喺側邊講做餅，起碼聽得明講乜」，但一班老師傅似乎不以為然，態度依然。
「有次叫個老師傅改良吓啲餅啦，佢唔答你，但當你自己郁手攞材料做，佢先會話：『你咁嘅樣會敗晒你屋企人啲錢！』」謝興之於是親手改良做餅，「我焗咗出嚟話：『師傅你睇吓先啦』，之後我就離開咗，等佢一人睇下件餅。隔咗一段時間，老師傅做啲餅真係有啲嘢改變咗，佢就同人講係佢自己諗出嚟，原來老師傅係要面子。」
轉眼間，謝興之接手家族餅店已十多年，老餅店生意也越做越大。現時元朗老舖仍然由其父親主理，他除了打理利東街分店，還同時負責沙田及荃灣分店。謝興之更開始考慮將家業傳給下一代，雖然他育有的一子一女尚在小學階段，但有時他會向兒女講解如何製作唐餅，等到兒女長大一點，他還會帶他們到工場了解做餅過程。
「子女將來接唔接手餅店好難講，我控制唔到，但即使佢哋大個唔幫手都好，亦都要識做餅。至少我身為第三代，呢個係我責任，教識佢哋做餅。」對傳統需要繼續保留，謝興之說得理所當然。
港故事
有些人有些事，越是美好越留不住。本土手藝、傳統行業、街頭老店，都帶給我們生活的溫度和記憶的厚度，如果你知道有這樣的故事，歡迎提供。（致電或WhatsApp 6383 6568 註明「港故事」）。
長青網 - 一站式長者及護老者生活資訊網站
記者：黎國剛
攝影：劉柏麟
謝興之承傳的家族生意，是有76年歷史、植根元朗的大同老餅家。他現時打理的三間分店，其中一間位於灣仔利東街。新年期間店內人頭湧湧，雞仔餅、老婆餅、蘿蔔糕及家鄉蛋卷等一應俱全，當中有一個人身穿T恤、短褲及波鞋，聚精會神打量各式各樣的糕點餅食，每一款都是他的心頭好，但他站了良久到頭來沒幫襯，如果不是員工沒有趕客，還表現得恭恭敬敬，或許記者不會想到他就是餅店老闆。
現年50歲的謝興之，在五兄弟姊妹中排行最小，本身是專業人士，曾留學澳洲攻讀建築測量，並入行二十載。他自言當年在行內應該是前途無限，「再升就係人哋所講嘅升上神枱」；殊不知他在2005年會放棄自己的專業，回家打理家族餅店。「一開始爸爸叫仔女返舖頭幫手，兄弟姊妹商量邊個接手，但個個都話：『睇吓點先啦！』大家唔願做，我做細嘅通常俾大嘅蝦！」他說時一臉笑容沒有委屈。
「原本舊公司坐好企理嘅寫字樓，返到餅舖連間似樣嘅房都冇，每日踎貨倉角落！」
原來謝興之口中的大蝦細，是兄弟姊妹各有所成，個個不是醫生就是律師，他自言最水皮，所以最能夠放下包袱。他眼見當時75歲的父親日日埋首老餅店，也經常提到做餅是一門傳統，不禁令他認真想過：「始終餅店係由爺爺傳落嚟，係咪可以世世代代一直傳承下去呢？」最後他把心一橫，決定在工作生涯中從頭來過，希望將家族餅店發揚光大。
不過由零開始殊不簡單，謝興之坦言：「砌磚我就識，用麵粉做餅就真係唔識！」他記得最初學接手餅店生意，困身在元朗老店的日子，與做建築測量時享有寬敞的寫字樓，又有秘書，真是天淵之別。「原本舊公司係坐喺好企理嘅寫字樓，但返到餅舖就連一間似樣嘅房都冇，每日踎喺貨倉角落，冇冷氣，只係放部電腦喺度，做完嘢第二朝竟然發現有隻貓經過，屙咗篤尿喺部電腦度！」
面對如此情景，謝興之形容當時整個人都很沮喪，甚至會問自己：「要踎閣仔踎到幾時？」不單止難忍惡劣環境，他作為新手老闆，與員工的相處亦遇上很大挫折，很多時還得看餅店老師傅的臉色。「因為當時我乜都唔識，雖然話自己細細個已經睇住爸爸做餅，亦都跟爸爸學過下，但要親自落場做餅，賣餅畀顧客就係另一回事。班老師傅會覺得我係讀書人，淨係識讀書，對手作嘢（整餅）肯定唔得。」
「嗰時朝早4點要去到餅房，到下晝4點，麵包、西餅乜都做，就係咁開始學做餅。」
他不諱言當時老師傅處處刁難，「譬如我同佢哋講日子咁，佢哋會講農曆嚟答我，但其實佢哋明知我係講緊西曆。」為了令餅店老師傅心服口服，他在餅店工作一年後，毅然到澳洲拜師學藝。由於早年有不少香港的傳統做餅師傅移民澳洲，他們無論是中式或西式的麵包糕餅都懂得做，謝興之於是找來自己在當地留學時，所認識的其中一位做餅師傅拜師學藝。
「嗰時朝早4點就要去到餅房，直到下晝4點，麵包、西餅乜都做，唔識都照做，就係咁開始學做餅。」如是者日復日，一年過去，謝興之對各種做餅工序都有所掌握，亦學懂如何打理一間餅房。學成歸來謝興之不禁偷笑，知道自己不再是新手，「老師傅喺側邊講做餅，起碼聽得明講乜」，但一班老師傅似乎不以為然，態度依然。
「有次叫個老師傅改良吓啲餅啦，佢唔答你，但當你自己郁手攞材料做，佢先會話：『你咁嘅樣會敗晒你屋企人啲錢！』」謝興之於是親手改良做餅，「我焗咗出嚟話：『師傅你睇吓先啦』，之後我就離開咗，等佢一人睇下件餅。隔咗一段時間，老師傅做啲餅真係有啲嘢改變咗，佢就同人講係佢自己諗出嚟，原來老師傅係要面子。」
轉眼間，謝興之接手家族餅店已十多年，老餅店生意也越做越大。現時元朗老舖仍然由其父親主理，他除了打理利東街分店，還同時負責沙田及荃灣分店。謝興之更開始考慮將家業傳給下一代，雖然他育有的一子一女尚在小學階段，但有時他會向兒女講解如何製作唐餅，等到兒女長大一點，他還會帶他們到工場了解做餅過程。
「子女將來接唔接手餅店好難講，我控制唔到，但即使佢哋大個唔幫手都好，亦都要識做餅。至少我身為第三代，呢個係我責任，教識佢哋做餅。」對傳統需要繼續保留，謝興之說得理所當然。
港故事
有些人有些事，越是美好越留不住。本土手藝、傳統行業、街頭老店，都帶給我們生活的溫度和記憶的厚度，如果你知道有這樣的故事，歡迎提供。（致電或WhatsApp 6383 6568 註明「港故事」）。
長青網 - 一站式長者及護老者生活資訊網站
回應 (0)
