羨慕黎諾懿湊仔苟芸慧造人：努力緊

【蘋果日報】苟芸慧與黎諾懿昨日到清水灣出席親子活動，席間黎諾懿大談湊仔經，令去年新婚的苟芸慧羨慕不已。揚言要生四個的苟姑娘，笑言未成功造人前，玩住其他人的BB，她說：「我都有個姪仔，所以都知道小朋友比較活躍，現階段只可以玩人哋嘅小朋友。」黎諾懿鼓勵苟姑娘趕快生仔，她說：「我見啲姊妹都會帶埋小朋友出嚟，依家努力緊，唔好畀壓力我。」
先輔導老公
母愛爆棚的苟姑娘心急追B，不過老公陸漢洋就想過二人世界，曾表示最理想是三年後生老虎仔，所以她要輔導老公，讓他做足心理準備，才迎接小生命。今年初，玄學家麥玲玲批苟姑娘子女緣厚，命格屬「多仔婆」，明年更易懷孕。
黎諾懿昨日未有帶兒子小春雞現身，他指囝囝早前發高燒：「唔係流感，所有醫生話唔知乜原因，只係發咗三日高燒，好彩第四日準備入院，佢就退燒，如果我個仔嚟應該會掃場，佢比較活躍。」黎諾懿又笑言帶兒子工作會分心：「有時同朋友食飯飲嘢，如果我帶住個仔，會完全進入一個集中模式，我會聽唔到其他人同我講嘢，因為我怕個仔整親，如果整親個仔，我怕會返唔到屋企，依家個仔學打觔斗，點知撼親個頭，腫咗少少。」
採訪、攝影：黃曉妍
長青網 - 一站式長者及護老者生活資訊網站