父fb遺言：係咪到此為止

【蘋果日報】三屍命案攬子燒炭同死的羅氏夫婦，近日在facebook透露遇上財務困難，上周二羅志偉發文表示「很累很累，可以點……係咪到址（此）為止」；妻子回應：「快到終點！等等。」同晚羅再次發文，埋怨朋友將夫婦的遭遇「當馬騮戲睇」，「冇幫手唔緊要……有啲人會將我WhatsApp cap圖俾其他人睇，呢個我真係唔明白點解要咁做。馬溜（騮）劇依家要落幕啦，只係估唔到咁快」。
最後發文感謝朋友鼓勵
妻子回應指有很多人將是非當人情，「有些人假腥腥（惺惺）的說幫你，然後不見了人或已讀不回；有些人問完後，純粹八卦，當是一則笑話」，似是暗示求助無門，羅妻其後特別向夫家親友致謝，「感謝我先生的兄弟，給了方向及暗地裏扶持我們，thx a lot」。
上周五羅最後發文指：「這幾天我和我太太收到好多朋友的WhatsApp問我哋發生咩事，唔好意思我有好多朋友的WhatsApp都冇回覆到，因為我真係唔知點樣回覆你哋，希望冇被我回覆的朋友唔好介意。我明白正面思維好重要，但一個連明天都未必應付到嘅人，你叫佢點樣正面思維諗一星期一個月一年之後嘅事。」
羅亦多謝朋友鼓勵，「好多謝一直叫我們兩公婆努力加油唔好放棄嘅朋友，如果我們真係過到呢一關的話，我們會逐一搵你哋出嚟食飯」。不少朋友留言支持他：「加油，一定撐得過去！」「加油，勇敢面對冇話唔得嘅，吃得苦中苦方為人上人」。豈料羅氏夫婦與七歲兒子最後燒炭同亡。
任職文員的羅不時在fb推銷藍莓汁、靈芝孢子粉等產品，又經常發帖發放正能量。他的fb頭像用了股神巴菲特的相片，更引用其名句：「如果你沒有找到一個當你睡覺時還能掙錢的方法，你將一直工作到死。」
羅妻陳路得為地產經紀，其fb不時上載參加直銷活動的照片。
■記者黃麗英
長青網 - 一站式長者及護老者生活資訊網站