中介良莠不齊　買樓三招自保

【蘋果日報】網上不時有免費內地睇樓團的廣告，邀請港人免交通費上深圳、廣州、珠海及中山等地，到埗後有豪華午宴招待，飲飽食醉才去睇樓。有做同類生意的地產經紀形容目前行業良莠不齊，提醒港人買家當買海外物業出問題時，香港政府難以監管，例如單位呎數不符等，準買家有三招自保。
查清業權防一屋多賣
第一招是慎防「筍盤」。該名經紀坦言，不少中介都誇大項目回報率，因港人大多不熟悉當地發展情況，易受瞞騙，「又話有高鐵，收到5,000蚊租，回報率有五、六厘，其實三厘都偷笑」。他指不易找到真正筍盤，「發展商落嚟香港做marketing，即係大陸賣唔去啦。中介話有剛需、近市中心，個啲樓當地人搶晒啦，邊輪到你買」。
第二招要查清業權，準買家應到國土局查清業權，國土局即香港的田土廳，避免一屋多賣，「有業主影低房產證發畀中介，其實佢手上已經冇證，個證按咗畀財仔，你知中介唔會企你立場，最緊要成交到有佣」。準買家亦要提防屋苑屬只能賣給村民的「小產權房」，去年曾有港人購入屬小產權房的「海岸居」，因當地政府指違規強拆而哄動一時。
第三招是留意按揭，與香港一樣，銀行未必承按，他指港人最好要求在合同中訂明，若未能按揭，需退回定金，他指內地有部份發展商有主動加上這項條款。
■記者孫樂祈
長青網 - 一站式長者及護老者生活資訊網站