新聞類別
港聞
詳情#
【蘋果日報】統計處去年底公佈，2017年本港貧窮人口逼近138萬，約每五個港人就有一個窮。政府高調扶貧，卻越來越多窮人。
很多基層市民一直入不敷支，尤其一些沒學歷的青少年，他們都是低收入一群。
微薄的收入，在這個百物騰貴的地方，每個月都是挑戰。
撰文：程志康
攝影：田 俊
24歲的楊錦龍（Leon），跟家人住香港仔公屋。他中三輟學，是典型低收入一群，「做過好多份工，保安員、便利店職員、賣文具家品嘅店務員，仲有戲院帶位、餐廳侍應，連臨時演員都做過。」他承認，學歷太低，不會找到好工作。
他現在任職餐廳兼職侍應，「仲要兼顧收銀、送外賣同拖地，都好多嘢做㗎。」他選擇做兼職，不是因為懶，而是這一行已慣性聘用兼職，「我覺飲食業趨勢係兼職多過全職員工，因為老闆唔想孭咁多責任，唔想供強積金同畀有薪假期。」他說，想找一份有福利的全職，確實不容易，「我做嗰間餐廳，全職可能只得一、兩個，但兼職就有十幾個。」
月入8,000元 未嘗外遊
Leon表示，他的時薪只有43元，每個月返20多天，每天做八小時，一個月下來才有8,000多元，「其實真係唔夠用，因為呢個收入只係夠自己一個人嘅基本消費，每個月都唔可以有太大額外消費，例如買新衫、新鞋，變成可能要好慳，節衣縮食先可以過活。」他說，每個月都會給家人3,000元家用。
低收入，惟有自己慳一點，「點慳？盡量避免不必要嘅消費囉。」他下午才上班，早餐和午餐，他很少會出街吃，「出去餐廳食個早餐，起碼30幾，午餐更要差唔多50蚊，好貴，所以我多數去街市買嘢返嚟自己煮。」
年輕人愛玩樂，但他很有節制，跟朋友一個月只去兩、三次街，「對上一次唱K，都差唔多係半年至一年前，除非有乜嘢特別日子朋友邀請，先會陪佢哋去一次，可能一年都冇一次。出去玩，一定係食快餐店，幾十蚊搞掂。好少買衫，都有兩年冇買過新衫，都係着舊衫。」
旅行，他想也不敢想，「我已經好耐冇去旅行，上一次去旅行，應該係小時候，唔記得小學定中學啦，跟家人返回大陸，都唔知算唔算去旅行，我根本未去過其他國家旅行。」
Leon覺得香港物價上升的速度，遠比薪金快得多，「香港最低工資嘅一群，其實我都算係其中一分子，生活壓力其實都幾大。」他試過到月尾時，褲袋只剩下百多元，等待下一期薪金，「惟有好小心花錢，每日除咗上班，就會留喺屋企，唔會跟朋友出街，或者有任何多餘消費。」低收入，每個月也充滿挑戰。
雖然收入微薄，但Leon自覺不是廢青，「因為我唔係唔肯做，我都有目標同理想。」他希望遲些去修讀一些課程，增值自己，再找一份自己喜歡的工作，「自己比較喜歡電腦，我想搵一份跟電腦相關嘅工作，想喺呢方面有些作為。」他希望兩、三年之內能儲到一筆錢，就可以專心去讀書。
「好快就煮好啦，等多一陣啦。」太和一間餐廳的廚房內，身形瘦削、現年20歲的邵浩賢，左手握着鐵鑊，右手拿着鑊鏟，出盡力地又拋又炒。他不是大廚，只是廚房學徒。炒的，都是員工的伙食。
賢仔坦言，他是新移民，在內地只讀到中二，四年前由肇慶來港定居，「初初嚟到香港搵工時，真係好困難，可能因為自己年紀小，又冇乜嘢經驗。」看到食肆門口貼有招聘廣告，他就去試，又會用手機程式找工作。總之，有人肯請他便做。
這幾年，賢仔做過幾份工作，都是飲食業，由招呼客人的侍應，再走入又熱又濕滑的廚房。每天工作十小時，不停地洗食材、切配料，還要搬搬抬抬，看上去很辛苦的，「做廚師是我的心願，煮嘢畀人食，客人食得開心，我自己都會有好大滿足感。」
減少消遣 放假留家
做學徒，人工當然不會太高，「月薪大約一萬蚊。」賺得不多，賢仔坦言生活上有很大壓迫感，「因為每個月車費，放假食飯各方面開支，再加上租金都好貴，所以一萬蚊真係唔夠用。」因為父母返回內地生活，他在深水埗租住劏房，月租3,500元，「另外要畀3,000蚊父母做家用，所以每個月都要好慳，唔可以亂用錢。」
租金是硬性支出，惟有在其他方面節省一點，「平時會在舖頭食飯，唔使返工時，盡量自己買餸返屋企煮，好少出去食，咁樣可以慳好多。」放假消遣，他多數跟朋友去郊野公園行山，又或留在家中打機；買衣服，多數是淘寶二、三十元的平價貨，「主題公園我從來未去過，因為太高消費，自己人工低，唔捨得去呢啲地方玩。」如果真的用多了，月尾放假時，就只能捱麵包，「冇辦法，人工就係得咁多，要就住嚟用。」
因為沒有多餘錢，賢仔笑說現在連拍拖都不敢，「如果有女朋友嘅話，兩個人出街食飯都已經好高消費，仲要間中送禮物呢，呢啲對我嚟講真係太奢侈，真係負擔唔起，所以依家連搵女朋友嘅勇氣都冇，養掂自己先啦。」
即使如此，但賢仔仍堅持每月儲起一點錢，「大概儲千零蚊，如果真係好慳嘅話，都可以儲到兩千蚊，始終有啲錢傍身，有咩突發事情都唔使咁徬徨。」他有個理想，希望將來開餐廳做老闆，「做呢行，個個都想有自己嘅餐廳，我雖然依家只係個學徒，但我相信只要肯努力，一定會成功。」
長青網 - 一站式長者及護老者生活資訊網站
很多基層市民一直入不敷支，尤其一些沒學歷的青少年，他們都是低收入一群。
微薄的收入，在這個百物騰貴的地方，每個月都是挑戰。
撰文：程志康
攝影：田 俊
24歲的楊錦龍（Leon），跟家人住香港仔公屋。他中三輟學，是典型低收入一群，「做過好多份工，保安員、便利店職員、賣文具家品嘅店務員，仲有戲院帶位、餐廳侍應，連臨時演員都做過。」他承認，學歷太低，不會找到好工作。
他現在任職餐廳兼職侍應，「仲要兼顧收銀、送外賣同拖地，都好多嘢做㗎。」他選擇做兼職，不是因為懶，而是這一行已慣性聘用兼職，「我覺飲食業趨勢係兼職多過全職員工，因為老闆唔想孭咁多責任，唔想供強積金同畀有薪假期。」他說，想找一份有福利的全職，確實不容易，「我做嗰間餐廳，全職可能只得一、兩個，但兼職就有十幾個。」
月入8,000元 未嘗外遊
Leon表示，他的時薪只有43元，每個月返20多天，每天做八小時，一個月下來才有8,000多元，「其實真係唔夠用，因為呢個收入只係夠自己一個人嘅基本消費，每個月都唔可以有太大額外消費，例如買新衫、新鞋，變成可能要好慳，節衣縮食先可以過活。」他說，每個月都會給家人3,000元家用。
低收入，惟有自己慳一點，「點慳？盡量避免不必要嘅消費囉。」他下午才上班，早餐和午餐，他很少會出街吃，「出去餐廳食個早餐，起碼30幾，午餐更要差唔多50蚊，好貴，所以我多數去街市買嘢返嚟自己煮。」
年輕人愛玩樂，但他很有節制，跟朋友一個月只去兩、三次街，「對上一次唱K，都差唔多係半年至一年前，除非有乜嘢特別日子朋友邀請，先會陪佢哋去一次，可能一年都冇一次。出去玩，一定係食快餐店，幾十蚊搞掂。好少買衫，都有兩年冇買過新衫，都係着舊衫。」
旅行，他想也不敢想，「我已經好耐冇去旅行，上一次去旅行，應該係小時候，唔記得小學定中學啦，跟家人返回大陸，都唔知算唔算去旅行，我根本未去過其他國家旅行。」
Leon覺得香港物價上升的速度，遠比薪金快得多，「香港最低工資嘅一群，其實我都算係其中一分子，生活壓力其實都幾大。」他試過到月尾時，褲袋只剩下百多元，等待下一期薪金，「惟有好小心花錢，每日除咗上班，就會留喺屋企，唔會跟朋友出街，或者有任何多餘消費。」低收入，每個月也充滿挑戰。
雖然收入微薄，但Leon自覺不是廢青，「因為我唔係唔肯做，我都有目標同理想。」他希望遲些去修讀一些課程，增值自己，再找一份自己喜歡的工作，「自己比較喜歡電腦，我想搵一份跟電腦相關嘅工作，想喺呢方面有些作為。」他希望兩、三年之內能儲到一筆錢，就可以專心去讀書。
「好快就煮好啦，等多一陣啦。」太和一間餐廳的廚房內，身形瘦削、現年20歲的邵浩賢，左手握着鐵鑊，右手拿着鑊鏟，出盡力地又拋又炒。他不是大廚，只是廚房學徒。炒的，都是員工的伙食。
賢仔坦言，他是新移民，在內地只讀到中二，四年前由肇慶來港定居，「初初嚟到香港搵工時，真係好困難，可能因為自己年紀小，又冇乜嘢經驗。」看到食肆門口貼有招聘廣告，他就去試，又會用手機程式找工作。總之，有人肯請他便做。
這幾年，賢仔做過幾份工作，都是飲食業，由招呼客人的侍應，再走入又熱又濕滑的廚房。每天工作十小時，不停地洗食材、切配料，還要搬搬抬抬，看上去很辛苦的，「做廚師是我的心願，煮嘢畀人食，客人食得開心，我自己都會有好大滿足感。」
減少消遣 放假留家
做學徒，人工當然不會太高，「月薪大約一萬蚊。」賺得不多，賢仔坦言生活上有很大壓迫感，「因為每個月車費，放假食飯各方面開支，再加上租金都好貴，所以一萬蚊真係唔夠用。」因為父母返回內地生活，他在深水埗租住劏房，月租3,500元，「另外要畀3,000蚊父母做家用，所以每個月都要好慳，唔可以亂用錢。」
租金是硬性支出，惟有在其他方面節省一點，「平時會在舖頭食飯，唔使返工時，盡量自己買餸返屋企煮，好少出去食，咁樣可以慳好多。」放假消遣，他多數跟朋友去郊野公園行山，又或留在家中打機；買衣服，多數是淘寶二、三十元的平價貨，「主題公園我從來未去過，因為太高消費，自己人工低，唔捨得去呢啲地方玩。」如果真的用多了，月尾放假時，就只能捱麵包，「冇辦法，人工就係得咁多，要就住嚟用。」
因為沒有多餘錢，賢仔笑說現在連拍拖都不敢，「如果有女朋友嘅話，兩個人出街食飯都已經好高消費，仲要間中送禮物呢，呢啲對我嚟講真係太奢侈，真係負擔唔起，所以依家連搵女朋友嘅勇氣都冇，養掂自己先啦。」
即使如此，但賢仔仍堅持每月儲起一點錢，「大概儲千零蚊，如果真係好慳嘅話，都可以儲到兩千蚊，始終有啲錢傍身，有咩突發事情都唔使咁徬徨。」他有個理想，希望將來開餐廳做老闆，「做呢行，個個都想有自己嘅餐廳，我雖然依家只係個學徒，但我相信只要肯努力，一定會成功。」
長青網 - 一站式長者及護老者生活資訊網站
回應 (0)
