新聞類別
娛樂
詳情#
【蘋果日報】鄭嘉穎、徐冬冬、溫碧霞、Jessica C.與Ana R.等，昨晚於中環出席攝影展預覽酒會。剛榮升父親的嘉穎提起寶貝兒子難掩喜悅：「第一次入產房，成個過程興奮得嚟又輕鬆，一入到去麻醉師就問我哋想聽乜嘢歌，好輕鬆。」他還笑說剪臍帶過程不容易：「比我想像中韌，唔易剪，要用啲力，見到佢出嚟，好難忘，好自然眼濕濕。」
嘉穎自爆稱呼囝囝為「皇上」：「佢要乜就即刻要，最高紀錄一日換17條片，濕少少就嗌。佢仲未有淚腺，所以喊嘅時候冇眼淚，我覺得佢啲戲好渣。」嘉穎笑言自己並非淡定爸爸：「第一次沖涼都要睇幾次先夠膽，不過都好論盡，換片就簡單，唔想『飲茶』就㩒住（重要部位）先。」問到太太陳凱琳（Grace）坐月期間出來工作，是否不聽話？嘉穎說：「唔好咁講，尊重佢決定，我嘅睇法都想佢成個月養生，夫婦係要互相尊重，學佢爸爸話，大事我決定，小事由太太決定，不過件事嘅大小就係由Grace決定。」
徐冬冬處冷靜期
另外，徐冬冬提到日前被拍得與男友尹子維在街頭爭執，冬冬直認說：「確實是有吵架，我也有不開心，但原因不是第三者，是因為我們有一些觀念不同。」冬冬透露二人現時處於冷靜期，現時沒有通電話，但她仍大讚男友人品好又專一，至於未來有否長遠發展，便要看緣份了。
採訪：羅慧敏
攝影：陳慧安
長青網 - 一站式長者及護老者生活資訊網站
回應 (0)
