新聞類別
娛樂
詳情#
【蘋果日報】
林芊妤（Coffee）、張曦雯同王曼喜噚日喺旺角出席化妝品牌活動，Coffee最近生風癩，佢話自從囝囝出世，到依家都冇覺好瞓：「個仔好調皮，一、兩個鐘就起身一次，所以呢四個月都好似冇瞓覺。」
Coffee話因為老公一早要返工，所以夜晚由佢照顧BB，而老公都知佢辛苦，所以成日有獎勵畀佢，Coffee話：「老公更加錫我，覺得我呢啲事業型女性都可以為咗個仔放棄咁多嘢，對我好好，遲啲想去旅行，但我又唔捨得交低畀姐姐湊。」佢話稍後會一家三口去馬來西亞探親兼擺酒，佢話：「第一次帶囝囝出trip，好緊張，擔心佢會發癲，怕喺飛機度控制唔到，啲乘客就慘。」
張曦雯眼角高
事業為重嘅張曦雯透露下月會去曼谷同象山拍攝旅遊特輯，一去就十日，仲話好期待，會帶定泳衣去享受陽光與海灘：「要準備，都係拍兩、三集，應該一集一套，太多着唔晒，大家睇得太多都厭。」佢話之後會忙拍劇，但會抽時間返美國探屋企人，仲強調單身唔係因為工作忙，係眼角高︰「要拍拖都可以抽時間，但依家冇，可能自己要求高，要啱feel，我好容易少少嘢就覺得唔啱，好睇感覺同心情。」
王曼喜自爆最近充當攝影師為自家品牌嘅限量系列拍攝，一共搵咗十個模特兒，仲話今年目標係再次以「同志」、「大愛」為主題舉辦攝影展。
撰文：馮仁昭v
林芊妤（Coffee）、張曦雯同王曼喜噚日喺旺角出席化妝品牌活動，Coffee最近生風癩，佢話自從囝囝出世，到依家都冇覺好瞓：「個仔好調皮，一、兩個鐘就起身一次，所以呢四個月都好似冇瞓覺。」
Coffee話因為老公一早要返工，所以夜晚由佢照顧BB，而老公都知佢辛苦，所以成日有獎勵畀佢，Coffee話：「老公更加錫我，覺得我呢啲事業型女性都可以為咗個仔放棄咁多嘢，對我好好，遲啲想去旅行，但我又唔捨得交低畀姐姐湊。」佢話稍後會一家三口去馬來西亞探親兼擺酒，佢話：「第一次帶囝囝出trip，好緊張，擔心佢會發癲，怕喺飛機度控制唔到，啲乘客就慘。」
張曦雯眼角高
事業為重嘅張曦雯透露下月會去曼谷同象山拍攝旅遊特輯，一去就十日，仲話好期待，會帶定泳衣去享受陽光與海灘：「要準備，都係拍兩、三集，應該一集一套，太多着唔晒，大家睇得太多都厭。」佢話之後會忙拍劇，但會抽時間返美國探屋企人，仲強調單身唔係因為工作忙，係眼角高︰「要拍拖都可以抽時間，但依家冇，可能自己要求高，要啱feel，我好容易少少嘢就覺得唔啱，好睇感覺同心情。」
王曼喜自爆最近充當攝影師為自家品牌嘅限量系列拍攝，一共搵咗十個模特兒，仲話今年目標係再次以「同志」、「大愛」為主題舉辦攝影展。
撰文：馮仁昭v
回應 (0)
