應昌佑娛圈路坎坷

【蘋果日報】應昌佑在04年由美國讀書返港，即被音樂人雷頌德賞識，再加盟黎明旗下的A Music成為歌手，與衛蘭拍住上。可惜應昌佑出道十年後苦無代表作，為家人被迫放棄夢想當上班族。他說：「14年大仔Travis出世，作為一個男人，希望畀到穩定生活屋企人，咁啱有朋友開公司，咁我就將娛樂圈嘅嘢擺埋一邊先。」
離開樂壇兩年，16年應昌佑簽約新唱片公司兼獲派新歌，他說：「嗰時好開心，因為唔係每個人有第二個機會，而且新公司仲肯遷就我返工時間，等我放工先錄音，我記得我去商台派歌，我感動到喊，奈何再錄第二首時，唱片公司出咗問題，自己又要離開，件事好峰迴路轉，的確係好大打擊。」應昌佑現在和太太Mandy育有一子一女，直言所有決定都會以老婆仔女行先。
採訪：鄉奈仁
攝影：林德雄
場地提供：M2 Home (皇室堡）
長青網 - 一站式長者及護老者生活資訊網站