新聞類別
娛樂
詳情#
【蘋果日報】劉德華昨日到西灣河香港電影資料館為「第二十五屆香港電影評論學會大獎頒獎禮」擔任頒獎嘉賓，正在拍攝《拆彈專家2》的他，以新戲造型亮相，受訪時大讚獲最佳男演員的黃秋生，華仔說：「佢係命中率好高演員，其實我公司之前都想搵佢拍，不過暫時未有戲做到。」華仔又笑言會開本地市場最高片酬給秋生，彌補對方在內地被壓價。
拍《淪落人》零酬勞
對於下月舉行的香港電影金像獎頒獎禮，華仔直言影帝提名名單是歷屆最強，但不肯作出預測。他在台上笑言：「我入行時已有金像獎，等咗好耐都未頒俾我。可能佢哋唔識睇戲，之後多咗頒獎禮，例如評論學會呢個咁，不過我都等咗十年。」華仔又跟憑《淪落人》贏得最佳編劇的陳小娟講笑：「下次唔好搵秋生喇，你搵我，佢搵你呢都係覺得你靚先搵你。我好支持新導演，唔會睇佢攞過乜獎，係睇劇本同佢哋本身份人係點。」
秋生憑《淪落人》獲最佳男演員獎，他說：「雖然我已經攞過兩次，嗰時仲後生，到大咗先知原來好難拎。」秋生在台上笑着「反擊」華仔搶工作，他說：「拍呢套戲我一毫子都冇收，華哥話想拍呢類戲，我相信佢唔收錢都可以嘅，你哋下次可以搵佢，以後搵華哥拍嗰啲戲就搵我啦！」對於華仔表示會用全港最高價請自己拍戲，秋生說：「邊個嘅最高價先？不過華哥真係好好朋友，佢係圈中唯一一個可以整喊我嘅人，佢可以好快咁令人進入一個好感動嘅位置，我就唔同喇，我可以令人好快進入一個憤怒嘅位置。」
曾美慧孜開金口
曾美慧孜憑《三夫》贏得最佳女演員獎，同時亦憑此片角逐金像獎影后，她從華仔手上接過首個電影獎項，逐一在台上致謝：「從小第一個偶像便是劉德華，能在他手上得獎。」她即場唱出《忘情水》當中兩句歌詞，又表示正努力學廣東話，希望來港發展，以及想跟華仔合作，但不敢自薦。另外，贏得最佳電影及導演獎的陳果，在台上跟華仔講笑說：「我拍咗《香港製造》後走上不歸路，依家要拍三級片。」
採訪：張俊銘
攝影：仇志德
長青網 - 一站式長者及護老者生活資訊網站
拍《淪落人》零酬勞
對於下月舉行的香港電影金像獎頒獎禮，華仔直言影帝提名名單是歷屆最強，但不肯作出預測。他在台上笑言：「我入行時已有金像獎，等咗好耐都未頒俾我。可能佢哋唔識睇戲，之後多咗頒獎禮，例如評論學會呢個咁，不過我都等咗十年。」華仔又跟憑《淪落人》贏得最佳編劇的陳小娟講笑：「下次唔好搵秋生喇，你搵我，佢搵你呢都係覺得你靚先搵你。我好支持新導演，唔會睇佢攞過乜獎，係睇劇本同佢哋本身份人係點。」
秋生憑《淪落人》獲最佳男演員獎，他說：「雖然我已經攞過兩次，嗰時仲後生，到大咗先知原來好難拎。」秋生在台上笑着「反擊」華仔搶工作，他說：「拍呢套戲我一毫子都冇收，華哥話想拍呢類戲，我相信佢唔收錢都可以嘅，你哋下次可以搵佢，以後搵華哥拍嗰啲戲就搵我啦！」對於華仔表示會用全港最高價請自己拍戲，秋生說：「邊個嘅最高價先？不過華哥真係好好朋友，佢係圈中唯一一個可以整喊我嘅人，佢可以好快咁令人進入一個好感動嘅位置，我就唔同喇，我可以令人好快進入一個憤怒嘅位置。」
曾美慧孜開金口
曾美慧孜憑《三夫》贏得最佳女演員獎，同時亦憑此片角逐金像獎影后，她從華仔手上接過首個電影獎項，逐一在台上致謝：「從小第一個偶像便是劉德華，能在他手上得獎。」她即場唱出《忘情水》當中兩句歌詞，又表示正努力學廣東話，希望來港發展，以及想跟華仔合作，但不敢自薦。另外，贏得最佳電影及導演獎的陳果，在台上跟華仔講笑說：「我拍咗《香港製造》後走上不歸路，依家要拍三級片。」
採訪：張俊銘
攝影：仇志德
長青網 - 一站式長者及護老者生活資訊網站
回應 (0)
