新聞類別
港聞
詳情#
【蘋果日報】男人的浪漫，除了豆腐火腩飯，還有高達模型。1979年，《機動戰士高達》動畫於日本播出，至今剛好40年，高達模型滋養一眾模型發燒友心靈，亦養活譚卓棠一家五口。然而，隨着人人變身「低頭族」，加上土地問題，愛砌模型的人越來越少，譚卓棠經營廿年的模型店亦被迫於本月中關門大吉，結束與高達長達近40年的浪漫歲月。
記者：潘婉玲
攝影：張家豪
元朗開舖三點不露
「唔幫襯冇所謂，但要有禮貌，冇禮貌實俾我鬧，我教佢哋做人！」華盛行老闆譚卓棠，年屆65歲仍中氣十足，翻查社交平台，發現他以「寸嘴」見稱，除「三點不露」，放假亦看心情；網民留言好壞參半，有人讚他售價比其他店便宜，亦有人不滿幫襯卻換來一肚氣。顧客可只睇不買，但譚卓棠堅拒講價，「你去超市買嘢，會唔會叫佢收少幾蚊吖？」
廿多歲進軍廟街
「唔得閒招呼你呀，等吓啦！」訪問期間，兩位男士於店外守候良久，譚卓棠卻一副「唔憂做」，「唔緊要啦，熟客嚟！」於元朗合益商場開業廿年，由租金800元，直至現時的7,500元， 見證模型業興衰，時代變遷；從前的中學生小伙子，長大成人，譚卓棠亦由壯年漢變成花甲翁了。
從前的元朗合益商場，因租金平，又鄰近學校區，曾是區內模型店集中地，惟近年已變成南亞人士聚集處，僱傭公司、印尼小吃店、髮型屋，模型店亦相繼結業；售賣高達的店舖，由高峯時的六、七間，餘下只有三間。的確，走在商場之中，鼻子嗅到陣陣發霉的味道，天花板積滿灰塵，部份更鬆脫。
「由興趣變成職業，冇乜人做到！」譚卓棠說來一臉自豪，從小迷上砌模型，那時高達仍未面世，「船、飛機乜都砌，放學返到屋企就係砌模型，係唔讀書。」典型宅男的譚卓棠，一坐便是數小時，書當然讀不成，中學畢業後便到工廠打工；80年代初，工廠北移，獲得一小筆賠償的譚卓棠，獲廟街擺檔的友人建議，遂租檔攤售賣模型，廿多歲便當上老闆。為減低售價，譚卓棠不向代理取貨，轉而購入水貨，批發價低約一成。
只砌Master Grade
由於廟街的攤檔貨物不能留過夜，譚另於新填地街租用唐樓單位當貨倉，他聲稱，於龍蛇混雜的廟街經營兩年，沒有被騷擾，古惑仔亦沒興趣光顧，「佢哋得閒都打麻雀，或者收陀地啦！」
隨着廟街檔口加租，譚卓棠乾脆於唐樓單位做批發，其後再遷到紅磡，每月利潤約三、四萬元，收入比大學畢業生更高，足以養活一家五口；直至廿年前，獲派屯門大興邨單位，譚卓棠亦將陣地搬到元朗，不久後即結束批發業務，只做零售，「成日俾人走數，去到間舖頭發覺搬咗，最多一間走咗四、五萬。」
與高達「相戀」近40年，譚卓棠愛它總是推陳出新，經常帶來新鮮感，「砌大和號（戰艦），砌幾多年佢都唔會變，但高達差不多年年都出新款。」自言砌模型不算專業，亦不如行家們以數千元出售已砌好的模型，「學生哥點買呀？」譚卓棠砌模型只為享受過程，砌完後全贈予小孩，「砌得靚靚就好有成功感，HG（high grade）唔砌啦，太簡單，起碼MG（master grade）先會砌，呢啲BB戰士，直情冇grade。」說來臉帶鄙視。
用心砌好一副高達模型，工序繁複，先以溶液浸泡，將模型上的離模劑清除，接着晾乾、噴灰、打磨、補位，後期工作如畫線、燒光，最後加水貼，中途不出錯的話，亦需長達半年時間，絕對是嘔心瀝血。
「一年執幾次」到真結業
直至智能手機誕生，為人們的生活及消遣模式帶來劃時代的轉變，無論男女老少，人人變身低頭族，再加上益發嚴重的土地問題，港人居住環境狹窄，安放模型亦是奢侈，導致模型舖生意逐漸萎縮。
近兩年，華盛行生意已大不如前，甚至需蝕本經營，譚卓棠曾多次宣佈結業，卻繼續營業，被網民戲謔「一年執幾次」，一切源於老人家的不捨，「個女成日叫我唔好做，話佢養我，我唔想攤大手板呀！」但這次，譚卓棠決定接受現實，於本月中租約期滿結業，「去做保安囉，唔通日日坐喺屋企睇電視咩。」
港故事
有些人有些事，越是美好越留不住。本土手藝、傳統行業、街頭老店，都帶給我們生活的溫度和記憶的厚度，如果你知道有這樣的故事，歡迎提供。（致電或WhatsApp 6383 6568 註明「港故事」）。
長青網 - 一站式長者及護老者生活資訊網站
記者：潘婉玲
攝影：張家豪
元朗開舖三點不露
「唔幫襯冇所謂，但要有禮貌，冇禮貌實俾我鬧，我教佢哋做人！」華盛行老闆譚卓棠，年屆65歲仍中氣十足，翻查社交平台，發現他以「寸嘴」見稱，除「三點不露」，放假亦看心情；網民留言好壞參半，有人讚他售價比其他店便宜，亦有人不滿幫襯卻換來一肚氣。顧客可只睇不買，但譚卓棠堅拒講價，「你去超市買嘢，會唔會叫佢收少幾蚊吖？」
廿多歲進軍廟街
「唔得閒招呼你呀，等吓啦！」訪問期間，兩位男士於店外守候良久，譚卓棠卻一副「唔憂做」，「唔緊要啦，熟客嚟！」於元朗合益商場開業廿年，由租金800元，直至現時的7,500元， 見證模型業興衰，時代變遷；從前的中學生小伙子，長大成人，譚卓棠亦由壯年漢變成花甲翁了。
從前的元朗合益商場，因租金平，又鄰近學校區，曾是區內模型店集中地，惟近年已變成南亞人士聚集處，僱傭公司、印尼小吃店、髮型屋，模型店亦相繼結業；售賣高達的店舖，由高峯時的六、七間，餘下只有三間。的確，走在商場之中，鼻子嗅到陣陣發霉的味道，天花板積滿灰塵，部份更鬆脫。
「由興趣變成職業，冇乜人做到！」譚卓棠說來一臉自豪，從小迷上砌模型，那時高達仍未面世，「船、飛機乜都砌，放學返到屋企就係砌模型，係唔讀書。」典型宅男的譚卓棠，一坐便是數小時，書當然讀不成，中學畢業後便到工廠打工；80年代初，工廠北移，獲得一小筆賠償的譚卓棠，獲廟街擺檔的友人建議，遂租檔攤售賣模型，廿多歲便當上老闆。為減低售價，譚卓棠不向代理取貨，轉而購入水貨，批發價低約一成。
只砌Master Grade
由於廟街的攤檔貨物不能留過夜，譚另於新填地街租用唐樓單位當貨倉，他聲稱，於龍蛇混雜的廟街經營兩年，沒有被騷擾，古惑仔亦沒興趣光顧，「佢哋得閒都打麻雀，或者收陀地啦！」
隨着廟街檔口加租，譚卓棠乾脆於唐樓單位做批發，其後再遷到紅磡，每月利潤約三、四萬元，收入比大學畢業生更高，足以養活一家五口；直至廿年前，獲派屯門大興邨單位，譚卓棠亦將陣地搬到元朗，不久後即結束批發業務，只做零售，「成日俾人走數，去到間舖頭發覺搬咗，最多一間走咗四、五萬。」
與高達「相戀」近40年，譚卓棠愛它總是推陳出新，經常帶來新鮮感，「砌大和號（戰艦），砌幾多年佢都唔會變，但高達差不多年年都出新款。」自言砌模型不算專業，亦不如行家們以數千元出售已砌好的模型，「學生哥點買呀？」譚卓棠砌模型只為享受過程，砌完後全贈予小孩，「砌得靚靚就好有成功感，HG（high grade）唔砌啦，太簡單，起碼MG（master grade）先會砌，呢啲BB戰士，直情冇grade。」說來臉帶鄙視。
用心砌好一副高達模型，工序繁複，先以溶液浸泡，將模型上的離模劑清除，接着晾乾、噴灰、打磨、補位，後期工作如畫線、燒光，最後加水貼，中途不出錯的話，亦需長達半年時間，絕對是嘔心瀝血。
「一年執幾次」到真結業
直至智能手機誕生，為人們的生活及消遣模式帶來劃時代的轉變，無論男女老少，人人變身低頭族，再加上益發嚴重的土地問題，港人居住環境狹窄，安放模型亦是奢侈，導致模型舖生意逐漸萎縮。
近兩年，華盛行生意已大不如前，甚至需蝕本經營，譚卓棠曾多次宣佈結業，卻繼續營業，被網民戲謔「一年執幾次」，一切源於老人家的不捨，「個女成日叫我唔好做，話佢養我，我唔想攤大手板呀！」但這次，譚卓棠決定接受現實，於本月中租約期滿結業，「去做保安囉，唔通日日坐喺屋企睇電視咩。」
港故事
有些人有些事，越是美好越留不住。本土手藝、傳統行業、街頭老店，都帶給我們生活的溫度和記憶的厚度，如果你知道有這樣的故事，歡迎提供。（致電或WhatsApp 6383 6568 註明「港故事」）。
長青網 - 一站式長者及護老者生活資訊網站
回應 (0)
