官員掩耳盜鈴累死香港

【蘋果日報】【拆局】
美國駐港總領事唐偉康（Kurt Tong）近日警告香港一國兩制受損害，或會引致美國國會對港作更嚴厲批評的言論，引起政商界關注，自由黨榮譽主席田北俊直言已非警告改變《香港關係法》，而是宣佈會有行動，但港府官員仍置若罔聞甚至刻意淡化，有政界人士指港官態度如掩耳盜鈴，「一係佢哋真係錯判形勢、一係佢哋明知大鑊所以避，但最終都會累死香港」。
「林鄭以為搞掂內交就得」
該政界中人以商務及經濟發展局局長邱騰華早前回應唐偉康的言論為例，指邱騰華叫駐外官員要小心自己的言論，因為會被理解或誤解為政府的立場，言下之意是唐偉康言論不代表美國政府立場。
有商界人士與他談及邱言論，直言希望邱不是真心相信唐偉康發言只代表個人看法，「一個外交官上電視接受訪問講港美關係、去商會演講內容，可以係個人意見？你邱騰華如果上電視講港府政策又或者去演講，會唔會講同政府立場唔同嘅個人意見？」
他指港府官員至今未肯正視美國會收緊對港政策的現實，「以前董建華、曾蔭權做特首，好重視港美關係，上任後好快去美國訪問，因為佢哋心知肚明，港美關係出問題，美國改變對香港一國兩制睇法，香港面對打擊可以好大」，但林鄭月娥明顯不是如此，「佢以為搞掂同中央內交就得，冇諗到萬一美國取消《香港關係法》，即使北京亦保唔到香港」。
■記者莫劍弦
長青網 - 一站式長者及護老者生活資訊網站