新聞類別
港聞
詳情#
【蘋果日報】屯門私營殘疾人士院舍「博愛之家」爆出醜聞，社署今年2月批出向該院舍購買100個宿位後，院舍旋即要求100位現居院友遷去河上鄉院舍，或支付更高費用才能留下，以清空宿位容納「買位」名額。事件遭揭發後，社署始叫停院舍逼遷。有區議員分析，由於接受政府買位收入更穩定，院舍為賺錢趕走非資助宿位院友到更偏僻地方，買位變成害人。
記者：潘柏林
社署自2010年推出「私營殘疾人士院舍買位先導計劃」，透過向私營院舍買位，增加資助宿位供應，獲資助殘疾人士每月只需付數百元至3,000多元不等。買位計劃2014年常規化，去年財政預算案更宣佈，再動用公帑買500個私營殘疾人士院舍宿位。
院友：冇錢要自己搵地方
屯門「博愛之家」是中度照顧殘疾人士院舍，現有145個非資助宿位，生活可自理院友每月收費6,600至6,800元。院友鍾先生（化名）憶述，院舍一年前申請參加買位計劃，今年2月獲社署批出100個買位後，隨即逐一召見院友，要求他們月支付8,000元才能留下，否則3月起要搬到上水河上鄉院舍，但每月宿費維持6,000多元及免除4月費用。
鍾引述社工解釋搬遷原因，「佢話因為要騰100個位出嚟，畀出面排緊入嚟住買位嘅人，就要我哋100個人搬走」。他指若搬去河上鄉院舍，除了交通不便，亦憂慮當地環境更差，「啲舍友話搬返去細佬妹屋企住，有啲話直情唔知點揀，自行搵第二間宿舍」。
另一院友阿聯（化名）稱，「要交8,000蚊先有得住，即係政府（綜援）津貼畀你都唔夠，仲要自己貼錢，冇錢貼你自己搵地方。」
據了解，男院友要搬去的河上鄉「東方復康中心」，是兩幢三層高村屋，由博愛之家股東陳維瀅持有。院舍地點偏僻，位於上水河上鄉路，要在上水轉搭小巴再步行約5分鐘才到達。有該中心男院友透露，院舍最多可住40多人，曾聽過將有10位博愛之家院友遷至；有院友亦透露，被逼遷時有發生，只能聽從院舍決定。
社署：可申請轉介住「買位」
工黨屯門區議員譚駿賢批評，社署買位計劃欠監察，幫人變害人，「荒謬到政府一邊買位，一邊有人冇得住」。遭逼遷殘疾人士越住越偏僻，被迫脫離原有社交網絡，譚2月向社署投訴，獲回覆指署方已叫停院舍有關做法。
院友鍾先生指，職員事後宣佈不會趕走院友，「唔會加到8,000蚊租，照畀番本來租金，幫我哋原有嘅人買埋位」。他慨嘆，類似事件非首次發生，「我自己親身經歷，之前住過其他宿舍，都曾經用呢個原因趕走我哋，佢都係話買位，所以要舍友搬走」。
社署回覆指，博愛之家負責人已向署方解釋事件，認為可能是職員與住客的溝通誤會所致。院舍管理人員已直接向住客及其家人解釋，不會因參加買位計劃而要求住客非自願離院。社署會分階段向博愛之家購買宿位，每階段不多於20個。至於現居院友可否轉為買位計劃，社署表明仍要按程序申請，包括聯絡社工評估及向社署康復服務中央轉介系統作轉介。
長青網 - 一站式長者及護老者生活資訊網站
記者：潘柏林
社署自2010年推出「私營殘疾人士院舍買位先導計劃」，透過向私營院舍買位，增加資助宿位供應，獲資助殘疾人士每月只需付數百元至3,000多元不等。買位計劃2014年常規化，去年財政預算案更宣佈，再動用公帑買500個私營殘疾人士院舍宿位。
院友：冇錢要自己搵地方
屯門「博愛之家」是中度照顧殘疾人士院舍，現有145個非資助宿位，生活可自理院友每月收費6,600至6,800元。院友鍾先生（化名）憶述，院舍一年前申請參加買位計劃，今年2月獲社署批出100個買位後，隨即逐一召見院友，要求他們月支付8,000元才能留下，否則3月起要搬到上水河上鄉院舍，但每月宿費維持6,000多元及免除4月費用。
鍾引述社工解釋搬遷原因，「佢話因為要騰100個位出嚟，畀出面排緊入嚟住買位嘅人，就要我哋100個人搬走」。他指若搬去河上鄉院舍，除了交通不便，亦憂慮當地環境更差，「啲舍友話搬返去細佬妹屋企住，有啲話直情唔知點揀，自行搵第二間宿舍」。
另一院友阿聯（化名）稱，「要交8,000蚊先有得住，即係政府（綜援）津貼畀你都唔夠，仲要自己貼錢，冇錢貼你自己搵地方。」
據了解，男院友要搬去的河上鄉「東方復康中心」，是兩幢三層高村屋，由博愛之家股東陳維瀅持有。院舍地點偏僻，位於上水河上鄉路，要在上水轉搭小巴再步行約5分鐘才到達。有該中心男院友透露，院舍最多可住40多人，曾聽過將有10位博愛之家院友遷至；有院友亦透露，被逼遷時有發生，只能聽從院舍決定。
社署：可申請轉介住「買位」
工黨屯門區議員譚駿賢批評，社署買位計劃欠監察，幫人變害人，「荒謬到政府一邊買位，一邊有人冇得住」。遭逼遷殘疾人士越住越偏僻，被迫脫離原有社交網絡，譚2月向社署投訴，獲回覆指署方已叫停院舍有關做法。
院友鍾先生指，職員事後宣佈不會趕走院友，「唔會加到8,000蚊租，照畀番本來租金，幫我哋原有嘅人買埋位」。他慨嘆，類似事件非首次發生，「我自己親身經歷，之前住過其他宿舍，都曾經用呢個原因趕走我哋，佢都係話買位，所以要舍友搬走」。
社署回覆指，博愛之家負責人已向署方解釋事件，認為可能是職員與住客的溝通誤會所致。院舍管理人員已直接向住客及其家人解釋，不會因參加買位計劃而要求住客非自願離院。社署會分階段向博愛之家購買宿位，每階段不多於20個。至於現居院友可否轉為買位計劃，社署表明仍要按程序申請，包括聯絡社工評估及向社署康復服務中央轉介系統作轉介。
長青網 - 一站式長者及護老者生活資訊網站
回應 (0)
